محمد سليمان عن أحداث غزة وانتقاد استكمال الأعمال الفنية: الحياة لازم تستمر.. إحنا بندفن ناس ونروح ناكل
عبر الفنان محمد سليمان عن حزنه الشديد لما يحدث في قطاع غزة، على يد الاحتلال الإسرائيلي.
وقال محمد سليمان خلال لقائه مع القاهرة 24: أكتر حاجة مزعلاني اللي بيحصل في غزة، وأنا من الناس المتفائلين وشايف أن اللي حصل في غزة اللي بعده هيكون أحسن.
وعن انتقاد تصوير الفنانين أعمالهم واستكمل حياتهم الفنية، أضاف: الحياة مش بتتوقف على أي حاجة والحياة لازم تستمر ودي سنة الحياة، إحنا اللهم احفظنا بنروح ندفن ناس وبعد كده بنروح البيت علشان ناكل كلنا مع بعض علشان نقول لبعض أن الحياة هستمر ومش هتوقف.
محمد سليمان يتحدث عن مشاركته في دماء العذارى
من ناحية أخرى، كشف الفنان محمد سليمان تفاصيل مشاركته في مسلسل دماء العذارى، الذي يتعاون فيه مع محمد الغيطي ورانيا يوسف، والمقرر عرضه في الموسم الرمضاني المقبل 2024.
وقال محمد سليمان، إنه تحمس للمشاركة في المسلسل لأن السيناريو مكتوب بشكل جيد، ومستوحى من أحداث حقيقة، مشيرًا إلى أنه يجسد دور جديد عليه حيث يلعب شخصية ربيع أبو سويلم صاحب كباريه، خلال أحداث المسلسل دماء العذارى.
وأضاف محمد سليمان: بكون سعيد لما يعرض عليا أي فرصة أني أقدم دور جديد وبكون متحمس جدًا ليه، لأنه بيبقى تحدي جديد وحاجة مش مملة وروتينية.
