ريم البارودي: اتعرض عليا اشتغل لايفات على تيك توك ورفضت.. ولو على الماديات أشتغل شغلانة تانية أحسن
كشفت الفنانة ريم البارودي، عن رأيها في لايفات المشاهير على تطبيق تيك توك من أجل كسب الأموال، مؤكدة رفضها القاطع لهذا الموضوع.
وقالت ريم البارودي في ندوتها بالقاهرة 24، إنها عرض عليها من زميلة لها، العمل بلايفات التيك توك يوميًا لمدة ساعة من أجل ربح أموال، وكان ردها بالرفض دون السؤال عن العائد المادي، موضحة: من يوم وفاة بابايا أنا مش موجودة، ومحبش أعمل لايفات ولا أقلد مشاهد للفنانين.
وأضافت ريم البارودي: مبشوفش التيك توك مفيد، ومحبش أعمل لايفات التيك توك وبرفضها قبل ما أسأل عن العائد المادي بتاعها، ولو على الفلوس، اشتغل أي شغلانة تانية أحسن من أني أعمل لايفات مع ناس معرفهاش.
وأكدت أنها رفضت الظهور على أبليكيشن التيك توك، قائلة: كنت في مكان ما وحد عايز يعمل معايا تيك توك قولتلها أنا مبعملش تيك توك خالص ومبحبوش مع احترامي لزملائي بس أنا مابحبوش ولا معترفة بيه.
ريم البارودي: الناس بتقولي أنتي تريند بدون مجهود
وتطرقت ريم البارودي للحديث عن مشاهدها الفنية المتداولة على منصات التواصل الاجتماعي بعد مرور سنوات على عرضها، قائلة: استايل شعري في مسلسل دلع بنات كان تريند وموضة وقتها، وفي ناس بتقولي لحد دلوقي أنتي تريند من غير مجهود على التيك توك.
وتابعت ريم البارودي: وفي مشهد بمسلسل احنا الطلبة “أنا عايزة أفطر، أفطر بيتزا” منتشر جدا.
