عادل شعبان: المنتجين بيدوا أدوار البطولة لـ البلوجرز علشان الفلوس
علق الفنان عادل شعبان، على ظاهرة دخول البلوجرز والتيك توكرز مجال التمثيل، ومن أبرزهم التيك توكر مروان مشاكل، الذي شارك في مسلسل بطن الحوت، بطولة الفنان محمد فراج وباسم سمرة، وأثار الجدل بسبب مشاركته.
وقال عادل شعبان، في لقائه مع القاهرة 24: إحنا بنبي المجتمع ومعيار اختيار الممثلين عند الشركات الخاصة المكسب المادي، يعني المنتج لما يكون عايز يكسب هيدور على أسهل طريقة لاستعادة المال وتحقيق مكاسب، وأسهل طريقة يجيب حد الناس عرفة اسمه وعمل كام لقطة ويديله بطولة عمل أو مسلسل، مع أن هو معندوش الأدوات اللي تأهله كممثل، ممكن يكون شاطر في مشهد، لكن الممثل له مقومات ومعايير.
أما عن رأيه في الأعمال الشبابية وعدم مشاركة الجيل القديم بها، فعلق عادل شعبان: مفيش حد فاصل بين الأجيال وبعض، الحياة متداخلة وكل الأجيال موجودة في الحياة والعمل الدرامي، بالتالي مفيش جيل يستقل بذاته، والعمل الفني اللي مكتوب من الكتاب الكبار بيدمجوا الأجيال، والدروب بيجي من خلال الاستعانة بـ أسلوب كتابة اسمه الورشة، واندماجهم مع بعض مش بالضرورة يطلع عمل جيد، وأنا بعتبر العمل اللي اتكتب في ورشة مش روح واحدة وخيال واحد.
عادل شعبان: مش راضي عن مشواري الفني ومستني فرصة تظهر إمكانياتي
وسبق وتحدث عادل شعبان عن مشواره الفني، حيث أكد في تصريحاته لـ القاهرة 24، أنه غير راضِ عما قدمه على مدار السنوات الماضية، موضحًا أنه مازال في جعبته الكثير لم يتمكن من إخراجه للنور بعد، منتظرًا الفرصة الجيدة التي تتيح له إبراز إمكانياته.
