خالد عليش: مهنة مذيع الراديو أصعب شغلانة في الدنيا.. ولازم يكون عنده شخصية
قدم المذيع خالد عليش، نصائح لمن يريد أن يكون مذيعًا بالراديو، مشيرًا إلى أن الوضع أصبح أسهل كثيرًا عن الماضي، من خلال البودكاست الذي أصبح معروفًا في العالم كله وخاصة الوطن العربي.
وقال خالد عليش خلال ندوة تكريمه بموقع القاهرة 24: لو حد عاوز يشتغل مذيع راديو الموضوع بقى أسهل كتير، البودكاست تريند جدا في العالم كله وفي الوطن العربي تحديدًا وبدأ يكون منتشر في مصر بشكل كبير والموضوع بسيط، محتاجين نصرف عليه دماغ وفلوس، يعني تذاكر القصة وتجتهد وتشتري شوية حاجات، هتلاقي نفسك بتتصدر الشاشة وبتكون موجود وتأكد لو في دماغك حاجة هتعرف تعملها حتى لو بأقل الإمكانيات وهتقدر توصل المهم يكون عندك حاجة.
وأضاف خالد عليش: مهنة مذيع الراديو أكتر شغلانة صعبة في الدينا وأصعب من مهنة مذيع التلفزيون ولازم يكون عندك حاجة وشخصية بتوصلها للناس حتى لو دمك تقيل، لكن في ناس معندهاش شخصية والشغلانة دي مش هتكون لايقة عليك ومش بتاعتك.
أحدث أعمال خالد عليش
يُشار إلى أن خالد عليش شارك في فيلم ليه تعيشها لوحدك الذي يعرض حاليًا بدور العرض السينمائي، من بطولة خالد الصاوي وشريف منير، ومن إخراج حسين الجوهري وتأليف أحمد عبد العزيز، ويضم العمل أيضًا كل من سلمى أبو ضيف، محمد رضوان، مؤمن نور وعدد آخر من الفنانين.
