جاهل في المعاملة والاهتمام.. كلمات أغنية بعتذرلك لـ أحمد سعد | فيديو
طرح الفنان أحمد سعد، أحدث أغانيه بعنوان بعتذرلك، عبر قناته الرسمية بموقع يوتيوب وجميع منصات الاستماع بالعالم العربي، من كلمات محمد الشافعي، وألحان إسلام رفعت، وتوزيع وهندسة صوت يحيى مهدي.
كلمات أغنية أحمد سعد الجديدة بعتذرلك
وتقول كلمات أغنية بعتذر لك:
بعتذرلك إني دايمًا كنت أقصر في الكلام
وإني بسرح لما أشوفك ف أبتسم لك والسلام
وإني جاهل في المعاملة والمجاملة والاهتمام
وإني عاجز إني أفسر صوت مشاعري وإني خام
وإن قلبي بيبكي جدًا لو يحسك هاتسيبيه
وإن حضني ساعات ماكنش يسمح إنك تبقي فيه
وإني عادي ومش مثالي وإني سهل ومش حويط
وإن بير أسراري خالي وإني بني آدم بسيط
وإني ناقص كام بحبك كام عشقتك كام بغير
وإني بسمح للخناق إنه يتحكم كتير
وإني عادي ومش مثالي وإني سهل ومش حويط
وإن بير أسراري خالي وإني بني آدم بسيط
وإني ناقص كام بحبك كام عشقتك كام بغير
وإني بسمح للخناق إنه يتحكم كتير
وإني سبتك مره تبكي وإنتي مش قد العياط
وإني مره نسيت أشاركك في الزعل والإنبساط
وإني كل وعودي دابت وإن شعرة حزني شابت
وإني عندي جرح ثابت وإن أنا مليان خدوش
وإن خوفي ده إبتلائي وإني بأذيكي بحيائي
وإن حبي وإشتياقي الكلام مبيوصفوش
وإني عادي ومش مثالي وإني سهل ومش حويط
وإن بير أسراري خالي وإني بني آدم بسيط
وإني ناقص كام بحبك كام عشقتك كام بغير
وإني بسمح للخناق إنه يتحكم كتير
وإني عادي ومش مثالي وإني سهل ومش حويط
وإن بير أسراري خالي وإني بني آدم بسيط
وإني ناقص كام بحبك كام عشقتك كام بغير
وإني بسمح للخناق إنه يتحكم كتير
طلاق أحمد سعد وعلياء بسيوني
وانفصل أحمد سعد عن علياء بسيوني قبل خمسة أشهر، وبالتحديد في أغسطس العام الماضي، حيث فاجأت علياء الجمهور بإعلان خبر طلاقها من خلال ستوري عبر حسابها بموقع إنستجرام، وعبرت عن ندمها الشديد لزواجها من سعد مشيرة إلى أن زواجها منه كان مقلب في حياتها، إذ كتبت: بشكر أحمد على أصله غير الطيب ومعدنه السيء وبقول له شكرًا على قرارك اللحظي غير الموفق في خراب بيتنا وتدمير أسرتنا الجميلة، اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي، وأكبر شكر على المقلب اللي أنا أخدته في العلاقة دي واللي كنت فاهمة إن ليها قيمة ببني وبضحي وبتنازل عشانها وانت طلعتها ولا تسوى وربنا معايا أنا وبناتي في اللي جاي وينتقم منك ويديلك على قد كل حاجة حصلت.
حقيقة عودة أحمد سعد وعلياء بسيوني
وسبق أن كشفت علياء بسيوني، إمكانية عودتها لـ أحمد سعد، وخاصة بعد نشره صورة رفقة ابنتهما الصغيرة عليا، وقالت في لـ القاهرة 24: للأسف مفيش أمل الرجوع بينا نهائيًا.
