زوج مضيفة الطيران التونسية قاتلة ابنتها: بتستخدم طبلة كبيرة وبخور وبتعمل جلسات روحانية للبنات واللي علمها إيطاليين | خاص
فوجئ عمرو. ح بزوجته مضيفة الطيران السابقة وعالمة في علم الطاقة والروحانيات، قاتلة ابنتها، تصرخ وهي تطعن نفسها بسكين المطبخ في رقبتها عدة مرات، بعد أن خنقت ابنتها الطفلة تارا، وطلب الإسعاف واصطحبها إلى المركز الطبي، وعند الوصول تبين أن الطفلة فارقت الحياة، ثم عاد مرة أخرى إلى المنزل وتركها على سرير الغرفة ليجد زوجته غارقة في دمائها.
وأمام جهات التحقيق قال زوج مضيفة الطيران التونسية المتهمة بقتل ابنتها: اللي حصل أني كنت نايم في الريسبشن حوالي الساعة 6 الصبح وجت مراتي نامت جنبي وعملنا العلاقة الزوجية ولقيتها بتقولي وحشتني وقعدت جنبي وفي بداية العلاقة، قعدت تقولي كلام غريب ( طلاسم) وهي مفهماني إن دي حاجة اسمها "لايت لانجوتش" يستخدم في تفعيل الطاقة 4 وبعدين خلصنا وشربت سيجارة وقالتلي إنها داخلة تنام ودخلت وصحيت تاني وجاتلي حوالي الساعة 8 صباحا وقالتلي إنها عاوزة سكينة بتموت، فأنا قلتلها إيه اللي بتقوليه ده انتي مسلمة صلي على النبي واتوضي وصلي فقالتلي لا، أنا جالي توجيه بإني لازم أطلع فوق فقولتلها ايه الهبل ده قالتلي (أنا العذراء مريم) وهو طالبني فوق، وأنا قولتلها اللي بينتحر كافر، وانتي بتؤمني بربنا ومسلمة فمكنتش بترد وجسمها من رجلها كان بيتنفض.
تحقيقات مضيفة الطيران التونسية قاتلة ابنتها
وأضاف زوج مضيفة الطيران التونسية قاتلة ابنتها: قالتلي انت خايف من أيه قولتلها أنا مؤمن بربنا ومش بخاف، فسابتني ومشيت وقالتلي أنا هدخل أنام وهبقى كويسة، وراحت دخلت الأوضة مع البنت وقفلت على نفسها الباب فأنا خفت على البنت روحت بعتلها على الواتس "تعالى" عشان تيجي فمردتش عليا وسمعت صوت من الأوضة كان حد بيضرب نفسه فروحت دخلت الأوضة لقيتها متغطية شلت الغطا من عليها لقيتها شايلة سكينة في رقبتها فقومتها، وبصيت على البنت ساعتها عشان هي بتصحي من أقل صوت بس مصحيتش، فأنا افتكرتها رايحة في النوم واخدت مراتي على برة وطلبت الإسعاف وقولتلها الإسعاف هتيجي دلوقتي وهتبقى كويسة، وهي فضلت تبرقلي فروحت مكتفها وأنا بكلم الإسعاف عشان أستعجلهم راحت جريت ودخلت على المطبخ وجابت سكينة وضربت نفسها في رقبتها فجريت وراها وحاولت أشد السكينة من رقبتها وكان فيها قوة غريبة ومش عارف أسيطر عليها وضربت نفسها تاني في المطبخ والسكاكين والمقص، في الوقت ده كنت بحاول أوصل للإسعاف ودخلت أطمن على بنتي لقيتها مش بتتحرك فروحت سبتها ولقيت في رقبتها حبل رفيع ملفوف على رقبتها رحت شايله من على رقبتها وسبتها على السرير واخدت مفتاح عربيتي عشان أروح بيها على أي مستشفى، وفي اللحظة دي كانت الإسعاف وصلت ونزلت على المركز الطبي وقالولي هناك رجعها مكانها لأن بنتك ماتت ورجعت تاني على البيت وحطيت بنتي على السرير.
تجليات روحانية
وأضاف الزوج في واقعة مضيفة الطيران قاتلة ابنتها: مراتي كانت في المطبخ زي ما هي وغرقانه في دمها وفي اللحظة دي، والدي كان وصل عند البيت عشان أنا كنت كلمته أستنجد بيه وعربية إسعاف جت تاني ومراتي معرفش ودوها على فين وكان في عربية نجدة، وجات عندي البيت وحكيتلهم إن مراتي حاولت تقتل بنتي الوحيدة عن طريق الخنق ومحاولة الانتحار، وأنا عرفت أنها لسة عايشة ويمكن ربنا عمل كده عشان تاخد جزاءها وبعد كده جيت على هنا.
وأوضح الزوج في واقعة مقتل طفلة على يد والدتها مضيفة الطيران: اتعرفنا على بعض من حوالي خمس سنين وقعدنا نعرف بعض سنتين، لما كنت شغال مهندس معماري بالإمارات وحبينا بعض هناك واتجوزنا هنا في مصر من ثلاث سنوات، وأنا كنت شغال في شركات عقارات، ولما رجعت مصر كملت شغلی في شركة لحد ما اشتغلت في مونتن فيو واستقريت أنا ومراتي وبنتي في بيتنا اللي في القاهرة الجديدة، وهي ابتدت شغلها بعد ما خلفنا تارا، وكانت شغالة في مجال العلاج بالطاقة وبقالها أكتر من سنة ونص، وهو عبارة عن تشافي بالطاقة بمعنى كيفية امتهانها لتلك المهنة اللي بتقول إنها عندها بصيرة وبتقول إنها تقدر تعالج الناس عن طريق نقل الطاقة والقرآن، وهي أخدت ماستر أون لاين، وتواصلت مع ناس من إيطاليا، وكانت تجيب ناس البيت تعالجهم والإيطاليين عرفوها تشتغل كده ازاي وعرفوها ازاي تعالج الناس بالطاقة وابتدت فعلا من بعدها.
تحقيقات عالمة الطاقة والروحانيات قاتلة ابنتها
وأكمل زوج مضيفة الطيران قاتلة ابنتها: أنا معرفش حد منهم لأنهم عايشين في إيطاليا وهي اللي كانت بتتواصل معاهم عن طريق مواقع التواصل الاجتماعي “زوم أو واتس اب"، وأنا كنت بسمع بعض المحادثات دي لما كنت ببقى موجود في البيت، ومضمونها بتبقى محادثات غريبة وأغلبها باللغة الإيطالية وأنا مش بفهم إيطالي بس كنت بشفها تقعد تتكلم معاهم لمدة 3 ساعات وبينتهي كلامهم.
وأضاف زوجة مضيفة الطيران التونسية وعالمة في علوم الطاقة والروحانيات قاتلة ابنتها: أنها كانت تردد عبارات غريبة في الفترة دي وكانت بتقول إنها مستنيرة وإنها العذراء مريم، وأن أحد الأشخاص الإيطاليين اللي بتتعامل معاهم هو سيدنا موسى، ومتحمد في الشخص ده وهو عايش في مكان اسمه الأشرام في إيطاليا، وهي كانت عايزه تسافر له، وكانت بتصلي وتشغل قرآن عادي وممكن تسجد بالنصف ساعة وتعيط بالساعات، ولما كانت بتشغل قرآن كنت ببقى مستغرب جدا وكنت بحاول عرضها على طبيب نفس فاهم، بس قولت إنها هتبقى كويسه فعشان كده فضلت قاعد أنا وبنتي معاها وكانت بتقول طلاسم غربية وسط القرآن.
وتابع زوج مضيفة الطيران التونسية: كانت بتاخد 800 جنيه في الجلسة العلاجية الواحدة، أنا كنت عارف بس مكنتش موافق بس حابب أضايقها لأنها عمرها ما أذت حد من خلال شغلها وهي كان عندها فكر وواخدة الموضوع كرسالة بس أنا معرفش إيه هي الرسالة بس كلهم بنات، أنا معرفش حد منهم، وقالت إن عندها رسالة روحانية في الحياة وهي أتمتها الأيام اللي كانت بتقوله، وهي اختمرت الرسالة من خلال الناس اللي كانت بتتواصل معاهم من إيطاليا اللي كانوا بيعلموها العلاج بالطاقة.
وأضاف زوج مضيفة الطيران التونسية قاتلة ابنتها: كانت بتتفرج على اليوتيوب على واحد هندي كانت بتقول إنه مستتبر وكان في صورة الشخص غريب كانت بتقول إنه الأب الروحي بتاعها والناس دول في الفيديوهات بتاعتهم كانت بتتعلم منهم العلاج بالطاقة، وكان في وسائل أخرى مستخدمة في العلاج بالطاقة وهي إنها عندها كروت اسمها كروت التاروت وكانت بتستخدم في أنها تطلع منها رسائل روحانية للعملاء بتوعها زي قراءة الفنجان وكانت بتستخدم بخور وطبلة كبيرة بتخبط عليها بتطلع صوت غريب والمفروض إن الصوت ده بيعالج بالطاقة وكان في الأوضة اللي بيتكتب عليها طلاسم كانت بتقول عليها من لغة النور.
وأكد زوج مضيفة الطيران التونسية قاتلة ابنها: أنها اشترت كروت التاروت أون لاين ومش عارف أسماء الأماكن اللي كانت بتشتريها منها وكان عليها أفعال غريبة، هي بتقعد تكتب حاجات في الأجندات بتاعتها غير مفهومة، وترسم على التابلوهات رسومات غريبة غير مفهومة، وبسؤاله عن استعلامه عن سبب قيامها بتلك الأفعال، قال أيوه هي كانت بتقول أن الحاجات اللي بتكتبها في لغة النور وهي أكواد خاصة بالمستنيرين التي عندهم بصيرة، وبسؤاله عن أثر ذلك قال أنا زي ما قولت قبل كده عمري ما تخيلت إنها ممكن تأذي نفسها أو تقتل بنتنا.
وأكمل زوج عالمة الطاقة والروحانيات قاتلة ابنتها: كان متعود يسمعها تقول طلاسم لما بتقعد لوحدها في الأوضة أو بتقوله للناس اللي بتعالجهم عن طريق تطبيق زوم ميلنج، وكانت تقصد بعبارة هو طالبني فوق إنها كانت بتقول إن عندها توجيه أنها أما تخلص المهمة الروحنية بتاعتها لازم تصعد للرفيق الأعلى، لأنها مستنيرة فلازم تروح لربنا، ومراتي أميرة هي اللي عملت كده في بنتنا وبعد كده حاولت تنتحر زي ما قولت، وهي عملت كده لوحدها محدش اشترك معاها، وقامت بخنق بنتنا بحبل وهما جنب بعض في السرير، ومكنش في حد غيري أنا وهي وبنتنا في البيت وأنا مسمعتش أي صوت.
واختتم: هي كانت بتقول كده زي أي واحده، أنا تعبت وهسيبلكم البيت وامشي أو هاخد تذكرة وأسافر أو هنتحر بس عمرها ما جابت سيرة إنها تتخلص من بنتنا، وفكرت في الانتحار من حوالي شهر فات وابتدت تقولي كده هي قالتلي الكلام ده حوالي مرتين.
