عادل عوض: فرقة رضا جزء حقيقي من الثورة الثقافية
تحدث المخرج عادل عوض، عن راقص الإيقاع والممثل والمخرج علي رضا، كاشفًا العديد من أسرار حياته وتفاصيل احترافه رقص الإيقاع.
وقال عادل عوض، خلال ندوته مع الفنانة فريدة فهمي، في معرض القاهرة الدولي للكتاب: علي رضا علامة كبيرة في العالم العربي هو واحد من المؤسسين كان غاوي رقص زي أي شاب غاوي رقص، وكان بيدخل مسابقات رقص في زمن مصر كانت الأجانب والفرنسين والحرب العالمية كانت بتهرب من أوروبا وتيجي على مصر، ومصر كانت ملجأ ليهم وكان بيكسب في المسابقات.
وأوضح: علي رضا في سن معين اشتغل مساعد مخرج مع الأجانب واتعلم منهم فن الإخراج ودرس الإخراج على إيديهم وكان في صراع مع أبوه أنه يكمل للدراسة مش يرقص أو لأ، ودخل في فرقة رقص أرجنتينية ولف معاهم في فرنسا ورقص الرقص الشعبي الأرجنتيني، وكان في سؤال إزاي مابيرقصش رقص بتاع بلده وأنه اختار يبقى مخرج.
وأضاف: علي رضا قرر أول فيلم إجازة نص السنة اللي يعتبر أول فيلم استعراضي، وساعات بتقول على أفلام ليلى مراد أنها استعراضية وده غلط لأن دي أفلام غنائية، زي أستاذ فريد الأطرش، أما يجيب سامية جمال ده ليس استعراض ده جزء من ديكور، وكان أول فيلم إجازة نص السنة والمفروض المؤرخين يتكلموا عنه لكن للأسف مابيعرفوش يتكلموا.
واستكمل: علي رضا عمل حاجات مدهشة، وفرقة رضا اتحولت من قطاع خاص لقاطع عام في ذكرى جمال عبدالناصر، وكانت الثورة الثقافية في هذا الزمن بيتعمل فرقة رضا والسرج، وكان في هيئة سينما خدمت على فرقة رضا سينمائيًا، وكانًت محافظة على جمال فرقة رضا وفرقة رضا هي جزء من ثورة حقيقية.
