ياسر فرج يكشف سبب قلة أعماله: قعدت مع زوجتي الراحلة 3 سنين خلال فترة مرضها
كشف الفنان ياسر فرج، سبب قلة أعماله الفنية في السنوات الأخيرة، مشيرًا إلى أن مرض زوجته الراحلة المخرجة الإذاعية ميادة عثمان، اضطره للابتعاد لفترة عن التمثيل وبعد وفاتها كان من الصعب إيجاد فرص بسهولة خاصة بعد الاختفاء لفترة.
وقال ياسر فرج لـ القاهرة 24: السبب ظرف عائلي، بسبب مرض مراتي الله يرحمها، لأنها تعبت 3 سنين قبل وفاتها، فكنت قاعد 3 سنين مش بشتغل، وما ينفعش أشتغل لأن مرضها كان صعب أوي، وأنا كنت قاعد معاها ومع الولاد، ولما الواحد يختفي مش بيرجع بسهولة.
وتحدث ياسر فرج، عن زوجته الراحلة وذلك في الذكرى الثالثة لوفاتها، معبرًا عن فقدانه الشديد لها، وقال: بروح لها دايمًا المقابر، وكنت لسه عندها من شوية، وعادة بنزوها باستمرار، وفي ذكرى وفاتها بنروح زيارة مع العائلة.
وأشار ياسر فرج، إلى أنه يعاني في تربية أولاده قائلًا: مفيش حاجة هتعوض غياب والدتهم، وبحاول بقدر الإمكان إني أقلل إحساسهم بفقدانها وفي الآخر مفيش حاجة بتعوض غياب الأم، والولاد مش بيحبوا ياكلوا من حد ما يعرفهوش، وأنا بعمل لهم الأكل، وبحاول أقوم بدور الأب والأم وده الطبيعي.
آخر أعمال ياسر فرج
يُشار إلى أن آخر اعمال ياسر فرج مشاركته في حكاية عيشها بفرحة، ضمن مسلسل 55 مشكلة حب، وهي من بطولة هاني عادل، هبة مجدي، حسن أبو الروس، رانيا منصور، نور إيهاب، محمود ياسين جونيور، وغيرهم، ومن تأليف عمرو محمود ياسين وإخراج البير مكرم.
