دومينيك حوراني: عمري ما هعمل تجميل.. والدكاترة جزارين بيشوهوا الناس
تحدثت الفنانة دومينيك حوراني، عن رأيها في عمليات التجميل، مؤكدة أنها لا تنصح أحد بإجراء عمليات تجميل.
وقالت دومينيك حوراني، في لقائها مع القاهرة 24 على هامش حضورها العرض الخاص لفيلم درويلة، الذي أُقيم أمس: أنا مبحبش عمليات التجميل وبخاف منها، وأنا قبل كده دخلت أتفرج على عمليات تجميل بحكم شغلي وتسويق لعيادات تجميل ودكاترة مهمين في أمريكا، والموضوع مخيف جدًا.
وتابعت دومينيك حوراني: قررت في حياتي مش هعمل عمليات تجميل، غرفة الجراحة حاجة خطيرة، أنا مبنصحش حد بالتجميل، الناس قاعدة تشوه نفسها الدكاترة بتوع التجميل جزارين، خافوا منهم.
دومينيك حوراني عن منتقديها: ناس معقدة.. وبيشتموا كل الفنانين
وسبق وأن أعربت الفنانة دومينيك حوراني عن استيائها بسبب انتقاد الجمهور لها، حيث قالت في تصريحاتها لـ القاهرة 24: الجمهور يرى أنها جريئة ولكنها ليست كذلك، الناس الحمد لله بتحبني وبتشوفني مجنونة وجريئة شوية ولكن دي مش مشكلتي، فيه ناس معقدة ورا الشاشة والسوشيال ميديا قاعدين بيشتموا كل أنواع الفنانين.
وأضافت: الأول كنت بزعل لما أهلي يقرؤوا الكومنتات دي، وبعدين لقيت إن الموضوع خلاص خدنا عليه والناس كلها بتكتب حاجات ودي مشكلتهم وفيه حوالي 90% بيكتبوا حاجات حلوة فبقيت أقرأ الحاجات الحلوة وبشكر الناس، والعمل لو مش ناجح محدش هيشتم ويتكلم عليا.
