متهم في جريمة أوسيم: كانوا غيرانين مننا بسبب الأرض.. وتحرشوا بنا بالحمار فقتلنا واحد منهم | تحقيقات
بتحريض من الأب على قتل خصم نازع أسرة في أرضها، صادف الهوا نفس الأشقاء الثلاثة، فانهالوا ضربا على المجني عليه داخل قطعة زراعية بمنطقة أوسيم بالجيزة، مستخدمين عصا وفأس وأدوات حديدية، حتى قضوا عليه، فتم القبض عليهم ووالدهم، وإحالتهم إلى المحاكمة الجنائية، ليكون 17 فبراير أولى جلساتهم.
جريمة أوسيم
حصل القاهرة 24 على نص التحقيقات في القضية وبمثول المتهم أحمد. م. م 36 سنة ومقيم في بشتيل أوسيم، جاءت أقواله: اللي حصل إن إحنا من فترة كبيرة اشترينا أرض بتمن قليل من ولاد غريب زكي، فهما عينهم على الحتة دي فيفضلوا يضايقوا فينا وحاسين أننا ضحكنا عليهم فيفضلوا يدخلوا الحمار بتاعهم في الأرض عندنا كل شوية، وحصلت مشاكل بسبب كده بس كانت بتتلم، وآخرهم ابنهم يوسف زكي ساب الحمار وقعد يشتم فينا وأبونا اتعصب على الولد الصغير.
وأكمل المتهم أحمد. م. م خلال أقواله: وامبارح أنا كنت في الوراق وإبراهيم كان في المحل ومصطفى كان جي من الأرض، ولما جينا لقينا زيدان عمال يشتم في الشارع ويقول ده بيت مفيهوش، راجل راح مصطفى أخويا كان معاه حتة عصايا ودخل عندهم راحوا نزلوا ضرب فيه فلقيت حتة حديدة خدتها عشان أعرف أدافع بيها عن نفسي وأحوش عن أخويا مصطفى، راح زيدان ضربني من ضهري على رأسي بالعصايا خرزانة، ومحمد كان بيضرب أخويا إبراهيم على رأسه بالعصايا، راح أخويا إبراهيم كان معاد أزمة حديد راح ضربه بيها على رأسه بعد ما محمد ضربه الأول، وروحنا نعمل محضر والحكومة خدتنا وده كل اللي حصل.
وأردف المتهم أحمد. م. م خلال أقواله أمام جهات التحقيقات: الكلام ده حصل في 23/1/ 2023 مساءا عند البيت في بشتيل، وقتها أنا كنت في البيت وكان معايا إخواتي إبراهيم ومصطفى، وبينا علاقة جيرة وقرابة بالطرف التاني، واللى حصل لما محمد وزيدان وزكي جم يتهجموا علينا وزيدان قعد يشتم وبعد كده ضربني بالعصايا الخرزان على راسي ومحمد أخوه ضرب إبراهيم على راسه راح إبراهيم ضربه ضربة واحدة بالأزمة اللي لاقها قدامه.
وأكمل المتهم خلال أقواله أمام جهات التحقيقات: واللي ضربني هو زيدان، وانا لما اتضربت مكنتش في وعيي، وقتها انا شوفتهم كان معاهم عصيان وجيين علينا، عند البيت وقعدوا يشتموا ويقولوا لو في راجل ينزل وبعد كده اتخانقنا مع بعض، وراح جاي زيدان ضربني بالعصاية الخرزان على راسي من وراء ووقعت على الأرض على وشي جامد فحصلت إصابتي.
وأردف المتهم أحمد. م خلال أقواله أمام جهات التحقيقات: كل اللي حصل ده كان بسبب الخلافات القديمة والجيرة، وهما اتعدوا علينا بعصيان خرزان كبيرة، وانا متصاب في راسي ومناخيري ووداني واللي ضربني زيدان غريب زكي، وهي كانت ضربة واحدة من وراء واستقرت في راسي ووقعت على وشي جامد فحصلت إصابة في مناخيري وودني، زيدان ضريبي بالعصايا ومحمد ضرب أخويا إبراهيم على راسه واخويا إبراهيم لقى ازمة جديد على الأرض راح ضربه بيها ضربة على راسه.
