إيمي سمير غانم: نفسي أقدم دور صعيدية
تحدثت الفنانة إيمي سمير غانم عن أفلام زوجها الفنان حسن الرداد، كما تحدث الأخير عن أفلامه، مشيرًا إلى إنه يُفضل التنوع في السينما.
وقالت إيمي سمير غانم خلال المؤتمر الصحفي الذي أُقيم اليوم ضمن فعاليات مهرجان الأقصر للسينما الإفريقية: حسن معملش أفلام كتيرة، وفيلم زنقة ستات استمتعت به كتير، وباقي الأفلام حلوة، وأنا في الكوميدي بحب أتفرج على سهير البابلي الله يرحمها هي رقم 1 بالنسبالي، ونفسي أقدم شخصية صعيدية.
كما تحدث حسن الرداد عن أعماله في السينما، قائلًا: كنت بشوف تاريخ السينما وكنت حابب أكون متنوع، ولما اشتغلت في الاحتراف محبتش أكون محصور في أدوار الجد فقط، وكنت حابب أعمل حاجة رومانسية لأن السينما لو حصروك في مكان هيسيبوك فيه، فا الحمد لله نوّعت ولقيت الناس قابلة ده، والكوميديا أقرب حاجة ليا، وكان في بيني وبين إيمي كيميا حلوة جدا في أعمالنا سوا.
وتابع حسن الرداد، متحدثًا عن والدته الراحلة: أمي أثرت في تربيتي ووالدي أيضا، واحترامي للست ده راجع من أمي وتصرفاتي الكويسة دي راجعة من حبي ليها، والفضل بعد ربنا يرجع ليها، ولما جت فترة مش حابب أمثل هي وقفت جنبي وسندتني.
حسن الرداد يتحدث عن الراحل سمير غانم
كما تحدث حيث الرداد عن الراحل سمير غانم قائلا: سمير غانم بغض النظر أنه حمايا، هو أسطورة كبيرة من الكوميديا وعامود من الاعمدة اللي شالت السينما على كتافها، وسمير كان له مدرسة كبيرة في الكوميديا ومدرسة الارتجال اللي كان الأول فيها، وكان يبان إنه بيعمل حاجة بسيطة ولكنها في غاية الصعوبة، وكانت كوميديا راقية وتليق بكل الناس.
