أحمد سعد: أنا مش سينجل.. وهبقى تريند رقم 1 في الكويت
تحدث الفنان أحمد سعد، خلال مهرجان فبراير الكويت، عن الجمهور الكويتي، مشيرًا إلى أن له مكانة خاصة عنده وهو داعم له دائمًا، وهو ما لم يشعره بأنه سينجل في عيد الحب، إذ يشعر دائما بحب جمهوره.
وقال أحمد سعد خلال تصريحات تلفزيونية: حسيت النهاردة إن نجاحي تم الحمدلله بوجودي في مهرجان فبراير الكويت، مضيفًا: كان حلم من أحلام حياتي أكون موجود في فبراير الكويت اللي يعتبر من أهم وأكبر المهرجانات على مر العصور، وتابع: كنت بعدي وأنا صغير قدام المسرح وأشوف الأساتذة الكبار.
وعن طقوسه في عيد الحب أمس، قال سعد: أنا مش سينجل خالص، وكلمة سينجل بتتقال في إطار الكابل، لكن أنا بصراحة مليء بحب الناس، أنا أكتر واحد عندي نسبة حب عند الجمهور هتشوفوا النهاردة الناس بتحبنى قد إيه وأهلى الحمدلله بيحبوني وراضين عني.
وأضاف أحمد سعد عن دعم الجمهور الكويتي له: الجمهور الكويت دائما واقف جنبي، ممكن أكون تريند رقم 2 في مصر، بس الأكيد أنا هبقى تريند رقم 1 في الكويت.
أغنية أحمد سعد وأصالة
وعلى جانب آخر، طرح أحمد سعد، أحدث أغانيه سبب فرحتي، والتي يتعاون فيها مع المطربة السورية أصالة نصري، وذلك تزامنا مع احتفالات عيد الحب، ونال الأغنية تفاعل كبير من الجمهور.
وتقول كلمات الأغنية: يا حبيبي بعد الانتظار الدنيا جت صالحتني بيك.. إنت الأمان وباختصار لو كله مال.. بسند عليك.. إنت اللي بيك احلو عمري ومهما يجري.. أنا بلقى كل حلول مشاكلي لما بس بشوف عنيك.. أنا كنت مين.. قبل أما اشوف عينِك وألين.. قبل أما تيجي تنوري.. قلبي وتمليني بحنين.. ده بكلمتين.. بتهوني الوقت الحزين.. يا حبيبتي وأما بتضحكي.. بتحلّي ف عنيا السنين.. يا سبب فرحتي.. يا مقاسماني سكتي.. بتقويني ف دينتي.. وأنا جمبك مش هميل.. أنا ليكي بَنتِمي.. يا آخري وأولي.. ولا حاجة بتهمني.. طول ما أنا شايفك بخير.
