عصام كاريكا: أغنية نسيت الغرام سبب خصامي أنا ومحمد سعد لحد دلوقتي
روى الفنان والملحن عصام كاريكا، كواليس أغنية أول ما عرفت إنك، والتي غناها الفنان محمد سعد في أحداث فيلم بوحة للفنانة مي عز الدين.
وقال الفنان عصام كاريكا في حواره مع الإعلامية منى الشاذلي، ببرنامجها معاكم، المذاع عبر شاشة قناة ON، كواليس تحضيره والفنان محمد سعد أغنية أول ما عرفت إنك من فيلم بوحة، موضحًا: متعاملش أنا ومحمد سعد من وقت أغنية أول ما عرفت إنك في فيلم بوحة، عشان طلب يغير كلمات الأغنية، وأنا قولتله ياعم مينفعش.
وأضاف عصام كاريكا: كلمات الأغنية الأساسية بتقول: أول ما عرفت إنك عايزني جيت أوام، ما أقدرش أستغنى عنك يا معلمني الغرام، وهقولك برضه عيني يا وحشني ألف عيني، وهقولك برضه عيني ياللي في بعدك كاويني، أؤمرني هتلاقيني تحت السلام بنام، وعقب كاريكا: القافية متماشية، محمد سعد بقا حب يغيرها لـ أول ما عرفت انك عايزني جيت أوام، ما اقدرش استغنى عنك يا معلمني الغرام، وهقولك بردة عيني يا وحشني الف عيني، وهقولك بردة عيني يلي في بعدك كاويني، أؤمرني هتلاقيني سجادة بين إيديك.
واختتم عصام كاريكا: محمد سعد زعل ومشي وكلمت المنتج أشرحله الوضع، قالي مشي الفيلم عشان خاطري.. وغيرنا كلمات الأغنية ونجحت، ولحد دلوقتي زعلان وبتقطع كل ما بسمع الأغنية دي.
أبطال فيلم بوحة
العمل من بطولة الفنان محمد سعد، وشارك فيه كل من: مي عز الدين، لبلبة، الراحل حسن حسني، مجدي كامل، وغيرهم.
