ملك أحمد زاهر عن مواصفات فتى أحلامها: لازم يكون حنين عليا
كشفت الفنانة ملك أحمد زاهر، معايير اختيارها لشريك حياتها المستقبلي، مشيرة إلى أنها ترفض تمامًا القسوة في بعض الرجال.
وتحدثت ملك زاهر في تصريح خاص لـ القاهرة 24 قائلة: أهم حاجة في مواصفات الشخص اللي هرتبط بيه إنه يكون مش قاسي لآن أنا مش هتحمل ده، ويعاملني بحنيه لآن أنا حساسة بالرغم من أن شخصيتي قوية، واختياره بالنسبالي صعب جدًا لآن بابا أحلى حاجة في حياتي، ولازم يديني ربع معاملة بابا ليا، أنا واخده كل الحنية في بيتي هطلع وأسيبها لي.
وتابعت ملك زاهر عن ما يتم تداوله في الفترة الأخيرة بأن الرجل مظلوم وسط القضايا التي تقدم للمرأة قائلة: الراجل مش مظلوم وإحنا لما صدقنا إن بقى فيه أعمال للمرأة وهو واخد حقه تالت ومتلت واحنا لسه بنحاول ناخد حقنا.
أخر أعمال ملك أحمد زاهر
تعكف الفنانة ملك أحمد زاهر على انتهاء تصوير مشاهدها في مسلسل محارب المنتظر عرضه ضمن السباق الرمضاني لعام 2024، بطولة الفنان حسن الرداد، ناهد السباعي، أحمد زاهر، ماجد المصري، ويشارك بجانبهم مجموعة من الفنانين ومن بينهم: نرمين الفقي، منة فضالي، تامر عبد المنعم، محمود الليثي، ملك أحمد زاهر، سلوى عثمان، عابد عناني، نور محمود، أحمد عنان، وآخرين، والعمل من تأليف محمد سيد بشير وإخراج شيرين عادل.
وفي سياق مختلف، تحدثت ملك زاهر عن رأيها في غناء شقيقتها، حيث قالت خلال لقائها مع القاهرة 24: أنا ضد الانتقاد غير البنّاء، ليلى وهشام بذلوا مجهود كبير في الأغنية، وعملوا حاجة متعملتش في الدنيا كلها، وكلام الناس حاجة تدعو للفخر لأن الأغنية أتسمعت، والطبيعي إن فيه ناس بتحب وناس بتكره، واللي مش عاجبه ميسمعش.
