بعد نشر القاهرة 24.. أطباء يستجيبون لـ فيديو تنمر صاحب مقهى على أسنان شاب
استجاب أطباء أسنان وصاحب محال قطع غيار السيارات لشاب صاحب فيديو “تفة القهوة”، الذي استغاث من تنمر صاحب المقهى على أسنانه.
أطباء أسنان وصاحب محال قطع غيار سيارات
وتواصل أطباء وصاحب محال لقطع غيار السيارات مع موقع القاهرة 24، لمساعدة وعلاج أسنان الشاب.
وظهر الشاب في الفيديو: أنا مش بكدب على حد أنا سناني كلها بايظة، من كام يوم كنت قاعد على كافيه وكوباية القهوة طولت معايا.
شاب يستغيث لتنمر صاحب المقهى
وأضاف: تفة القهوة طولت على رأي أخويا السويسي، بس تفة القهوة بره غير عندنا سايبانك براحتك، بس هنا قاعد بفلوسي ومش سيباني في حالي.
وواصل: عدى قدامي صاحب القهوة وقالي هو في أيه يا عم أنت بتشرب كوباية القهوة على 3000 مرة عشان متطلبش واحدة تانية.. قولته الفكرة مش كده أنت فاهم غلط.
وتابع: هاتلي اتنين واحدة سادة والتانية زيادة، جايبلي اتنين قهوة وانا قاعد لوحدي، بس أنا عملت اللقطة واتجاهل الموضوع، ومش عاوز أقوله إن سناني وجعاني عشان مصعبش عليك.
واستكمل: عاوز أقول لصاحب الكافيه أخوك الصغير ده مبيعرفش يشرب حاجة سخنة بسرعة ولا بيعرف يأكل لقمة حلوة، سناني كلها متدمرة، ممكن أبقى صاحي من النوم ألاقي كل سناني دم، أنت بتعرف تأكل البلح وأنا مبعرفش أكله.
وأكد: متحكمش على حد، ربنا أداك رزق ومكان وفلوس عامل الناس بحسن نية، عامل الماس حلو وأنا كده كده قاعد بفلوسي، احنا أخوات.
