أهل مريض يحطمون غرفة قسطرة بمعهد القلب بعد وفاته (صور)
نشر طبيب بمعهد القلب “محمد عمارة” عبر صفحتة الشخصية بموقع التواصل الاجتماعي “فيس بوك”، عدد من الصور ظهر خلالها أجهزة طبية تعرضت للتلف والكسر، من قبل أهالي مريض قلب أصيب بجلطة ولكن انتهى الأمر بوفاته.
وكتب: “لما مريض بيحضر في استقبال معهد القلب بجلطة في الشريان التاجي، بنسابق الزمن عشان ندخله قسطرة خوفا من المضاعفات اللي ممكن توصل للوفاة طبعا، والقسطرة في المعهد شغالة ٢٤ ساعة”.
وأضاف:”وبيفضل صاحي للطواريء ٢٤ ساعة دكاترة وتمريض وعاملين وغيره عشان يقدموا خدمه لمريض، ويكونوا سبب من الأسباب اللي ربنا كاتبها للمريض، وبيخش ببطاقته يتركبله أكتر من دعامه قد تصل لـ ٨٠ ألف مثلا، وميدفعش ولا مليم غير خدمه الرعاية وغيره وغيره”.
وتابع:”الأمر بيكون أولا وأخيرا بيد الله، بالأمس ٤ الفجر جه مريض بجلطه وبسرعة اتعرض قسطرة لانقاذ حياته، وللاسف توفاه الله في محاولة لانقاذه وأمر الله حدث، يقوم أهله ولاد استغفر الله يدخلوا يكسروا أغلي ترابيزة قسطره، وغرفه مجهزة في مصر يتعدي تمنها ٣٠ مليون جنيه، بتخدم وتنقذ أكتر من ١٠ حالات للحياة يوميًا، بس نقول ايه لازم نبقي نعرف نسب ونلعن ومسلحين بسلاح شخصي عشان أمثال ولاد، دول الله يلعنهم في كل كتاب”.
