منة فضالي تكشف تفاصيل إصابة والدتها بـ سرطان القولون: شلنا 90% منه وعملنا تحويل مسار
كشفت الفنانة منة فضالي، تفاصيل إصابة والدتها بـ سرطان القولون، وذلك بعد تعرضها لعدد من الوعكات الصحية خلال الفترة الأخيرة، كما أجرت عملية جراحية كبيرة خلال الأيام الماضية.
وكتبت منة فضالي، عبر حسابها الشخصي بموقع فيسبوك: عاوزة أشكر كل الناس اللي جاتلي المستشفى علشان يطمنوا على ماما واللي اتصلو، بجد ألف شكر وفعلًا المواقف بتبين الناس، فيه ناس معرفهاش والله جاتلي واتصلوا وناس كانت قريبة وكنت فاكراهم أصحاب ولا فكروا حتى يسألوا بس معلش؟.
وأضافت منة فضالي: وحقيقي بشكر من قلبي الرجولة كلها في عز ما هو مشغول مسابنيش الرجولة أمير كرارة، أنا أمي كان عندها كانسر في القولون وشلنا 90% منه وعملنا تحويل مسار وحوار طويل جدًا، ولسه مكملين في المستشفى بس إن شاء الله تتحسن.
وأكملت منة فضالي: إيمان العاصي، مي كساب، لقاء سويدان، عبير منير، عفاف محروس، وكيكي هجرسي، منى عبد السلام، متحرمش منكم ولا من جدعنتكم مسبتنيش لوحدي، وحقيقي شكرًا من قلبي لـ صاحبتي الوحيدة اللي معايا من أول ما جيت المستشفى منار، المساعدة بتاعتي وظهري ابتسام وبنتها أمل، شكرًا ليكم يا جماعة أول مرة أحسن أني محبوبة وإني مش لوحدي.
تفاصيل الحالة الصحية لـ والدة منة فضالي
وسبق وأعلنت الفنانة منة فضالي، خضوع والدتها لعملية جراحية كبيرة، حيث كتبت عبر فيسبوك: أمي من يوم 2 في الشهر لحد دلوقتي في المستشفى، كل الناس عارفة أنا مرتبطة بـ أمي قد إيه لأن مليش غيرها في الدنيا وهي كمان ملهاش حد غيري.
وأضافت: هي داخلة دلوقتي تعمل عملية كبيرة أوي، ده أكبر امتحان ليا، أرجو منكم تدعوا لها تخرج بسلامة بحق الأيام المفترجة يا رب.. يا رب مضرنيش بيها يا رب.
