مُعجب بالتاتو.. مشاجرة بين شاب ومسؤولة بالأمم المتحدة في أتوبيس جو باص | خاص
كشفت التحقيقات في واقعة اتهام شاب بـ التحرش وهتك عرض أجنبية من دولة كوريا الجنوبية، أن المتهم لامس منطقة حساسة في جسدها خلال رحلة من شرم الشيخ إلى القاهرة، داخل أتوبيسات إحدى شركات النقل الخاص جو باص.
كواليس التحرش شاب بفتاة كورية داخل أتوبيس جو باص
وحصل القاهرة 24 على التحقيقات في القضية التي حملت رقم 5178، وبفحص بلاغ تحرش داخل محطة جو باص وبالوصول تم التقابل مع المبلغة وتدعى جيبها هونج التابعة لدولة كوريا الجنوبية 34 سنة، تحمل جواز سفر، دخلت البلاد بتاريخ 2/3/2023، كما أنه مثبت بتاريخ الدخول والسارية لمدة عامين، والتي أفادت عن تضررها من المدعو، مصطفى عبد التواب، دون عمل، يقيم مركز البدرشين الجيزة، وذلك لتحرشه بها جسديا وملامسة مناطق حساسة والتاتوه بجسدها بيده عدة مرات حال استقلالها الأتوبيس التابع لشركة جو باص القادم من شرم الشيخ إلى القاهرة.
وجاءت أقوال المجني عليها: أنا كنت بجلس في الكراسي اللي مواجهة للباب الخلفي للأتوبيس، والمتهم كان يجلس في الكرسي الموجود خلفي، واللي حصل إن أنا كنت نائمة وكان ضهري للشباك، فجأة حسيت بحاجة معدية من جنب الكرسي والشباك وتمسك مناطق حساسة بجسمي، أنا قمت بمسك ذلك الشيء وتبين لي أنها يد الشخص الذي كان يجلس خلفي، وأنا معرفش عدد المرات اللي لمسني فيها لأني كنت نائمة والمرة اللي حسيت بيها هي اللي مسكت إيده فيها وبلغت السواق والشرطة، ولما روحت بلغت السواق باللي حصل هو مكانش فاهمني بس كان في شخص واقف هو ده اللي كان فاهمني.
وأوضحت المجني عليها: وأنا كلمت الشرطة وحاكيتلهم على اللي حصل وخلوني أدي التليفون للسواق بلغوه كل حاجة وبعد كدة اتكلموا مع السواق وأخدوا منه رقم لوحة الأتوبيس والمكان اللي هو هيقف فيه وساعة الوصول، وبعد كدة الشخص ده فضل يروح ويرجع يتكلم مع السواق وانا قلقت وكلمت الشرطة تاني وقالوا إدي التليفون للسواق وبلغوه إنه ميفتحش الباب غير لما عربية الشرطة توصل المكان وبالفعل السواق بلغ الشخص إنه يقعد وراء في الأتوبيس والركاب نزلت المحطة والشخص ده قاعد ورا في الأتوبيس.
واختتمت المجني عليها قائلة: لحد ما الشرطة استلمته هو والسواق وبعد كدة رحنا احنا عند رئيس المحطة وسألني على اللي حصل وشرحتله اللي حصل بس كنت حاسة إنه مش فاهم حاجة من اللي بقوله نظرًا لتغير اللغة وبعد كدة رحنا قسم شرطة ثان مدينة نصر واتصلت برئيسة قسم الطفولة المبكرة في منظمة اليونيسف التابعة للأمم المتحدة وبلغتني بأن الأستاذ يوسف هيجيلي علسان يبقى معايا، الكلام ده حصل يوم 5/11/2023 الساعة 11 صباحًا، وأيوه ده اللي حصل ودي المذكرة بتاعتي اللي أنا حررتها، وأنا بتهمه إنه اتحرش بيا في الأتوبيس.
وأحالت جهات التحقيق المتهم إلى المحكمة وتولي المحامي كريم صبري الدفاع عن المتهم ودفع أمام هيئة المحكمة ببطلان القبض والتفتيش وما تلاه من إجراءات لعدم وجود حالة من حالات التلبس المنصوص عليها في قانون الإجراءات الجنائية، كما دفع المحامي ببطلان استجواب المتهم والتحقيقات لإتمامها في عدم وجود محاميه كما أن التحريات تمت مكتبيه، وأكد بطلان سماع الشاهدة بدون حلف يمين ويتضح ذلك من عدم ذكر ديانتها بالأوراق وشكك بعدم اعتناقها لأي من الأديان السماوية ودفع بخلو الأوراق من ثمة دليل يبرهن بصحة الادعاء سواء شهود أو كاميرات الحافلة والتي قضت المحكمة ببراءة المتهم من هتك عرض المجني عليها.
