أحمد داش يكشف كواليس دوره في مسلسل مسار إجباري وإفيه يا ابن العسل
تحدث الفنان أحمد داش عن تقديمه دور نجل الفنانة بسمة في مسلسل مسار إجباري، الذي يعرض حاليًا ضمن الموسم الرمضاني الحالي 2024.
تصريحات أحمد داش
وقال أحمد داش في لقاء عبر الراديو 90 90: أنا وبسمة نعرف بعض من زمان، وكان فيه صداقة بينا، والشغل بينا ممتع وهي أول مرة تلعب دور الست الشعبية ودي حاجة جديدة عليها واتبسطت جدًا بده، واتبسطنا جدًا بالشغل مع بعض واللعب كان لذيذ واتبسطت بالشخصية.
وأضاف عن إفيه يا ابن العسل قائلًا: الإفيه ده بتاع اتنين صحابي، وحسيت إنه لايق عليا، خاصة أن حسين شقي ودايما باصص للحياة باصة حلوة ولو حصل مشكلة هتتحل بكره، يعني لو أبويا طلع خاين ربنا يسامحه وكل حاجة هتمشي وتتحل، ويا ابن العسل فيها حتة تريقة، لأن أي حد فيه حاجة شريرة بتحصل معاه في الدنيا ممكن يتبص لها بسخرية وأي مشكلة لو بصيت ليها من بعيد هتضحكي ومن قريب هتعيطي يعني فيه سنّة سخرية وبهجة.
ومن ناحيته تحدث عصام عمر عن تقديم محمود البزاوي دور والده قائلًا: كان إضافة لينا وهو ممثل جامد وإنسان مريح والدور صعب رغم أنه صغير لأنه مشاهده مركزة جدا، وإيه الراجل دا اللي خلىعائلتين ميعرفوش بعض لمدة 20 سنة، وهو مترتب عليه بناء الشخصيات.
