ليه النساء أكثر أهل النار؟.. علي جمعة يجيب
أجاب الدكتور علي جمعة، مفتى الديار المصرية السابق، وعضو هيئة كبار العلماء بـ الأزهر الشريف، على سؤال طفل نصه: ليه أغلب أهل النار من النساء زي ما قال سيدنا النبي صلى الله عليه وسلم، هل دي فطرة عند النساء إنهم يذنبوا أكثر من الرجال؟.
وقال الدكتور علي جمعة، مفتى الديار المصرية السابق، خلال حلقة برنامج "نور الدين"، اليوم الاثنين: لأ دي مش فطرة، ده صفات تأتي من الاستهانة بالتعليم، المرأة عبر القرون لم تهتم بالتعليم، فاللي حصل حاجة بنسميها في علم الاجتماع، امرأة ألف ليلة وليلة، اللي هي كنا زمان نقول امرأة الكنبة والشلت، الرغي ويجيبوا في سير الناس وغيبة ونميمة، والحاجات دي كلها في الصورة النمطية للمرأة.
ليه النساء أكثر أهل النار؟.. علي جمعة يجيب
وتابع: بعد كده ربنا من علينا وفاق الناس في القرن التاسع عشر، ابتدأ الناس بتعليم البنات، ومحمد علي باشا فتح مدرسة وتعلم فيها 60 بنتا، وبدأ من هنا مشوار التعليم اللى غير وجه مصر، ووجه العالم كله، لما اتعلمت راحت هذه الصفات وأغلبها اللى جاية من الجهل والأمية والحبسة، وجاية من الاهتمام بعالم الأشياء دون عالم الأفكار، واليوم البنت وزيرة وسفيرة ومفكرة، وكاتبة، كل ما كانت المرأة تخرج وتتعلم كل ما الصورة النمطية بتاعت ألف ليلية وليلة مش موجودة.
