بيومي فؤاد يتحدث عن أزمته مع محمد سلام.. اعتذار وندم | ما القصة؟
تحدث الفنان بيومي فؤاد عن أزمته الشهيرة مع الفنان محمد سلام، وذلك بعد اعتذار الأخير عن مسرحية بموسم الرياض، وخرج بيومي فؤاد للكشف عن ملابسات القصة الكاملة لهذه الأزمة، بجانب اعتذاره عن بعض التصريحات حينها، ونستعرض لكم في السطور التالية حديث بيومي فؤاد عن أزمته مع محمد سلام، وسبب ترشيح محمد أنور للعمل بدلا من محمد سلام، بجانب كشفه عن حقيقة استمرار الخصومة مع الأخير.
أول رد فعل من بيومي فؤاد بعد اعتذار محمد سلام عن مسرحية زواج اصطناعي
وكشف بيومي فؤاد أول رد فعل له بعدما علم أن محمد سلام اعتذر عن المشاركة في مسرحية بموسم الرياض خلال الحرب على غزة، مؤكدًا أنه تواصل معه هاتفيًا، قائلا: أنا كبير محمد سلام، وأنا المرجع بتاعه، وكلمته لما اعتذر عن المسرحية وقالي أنا مش قادر إنت شايف الأطفال اللي بتموت.
وأضاف بيومي فؤاد: قلت وقتها لمحمد سلام بدعي لـ أطفال غزة قبل ما بدعي لأولادي، وده أكل عيش، وفي ناس كتير بيوتهم مفتوحة من الحاجات دي.
بيومي فؤاد يقدم اعتذاره عن تصريحاته بشأن العمل من أجل الأموال
وأعرب بيومي فؤاد عن اعتذاره وندمه بشأن تصريحاته، والتي قال فيها إن الفنانين لا يعملون من أجل الأموال، مؤكدا أنه تسرع في هذا التصريح، متابعًا: الشيخ الشعراوي قال لما حد يظلمك متاخدش حقك بـ إيدك، أقف استمتع وربنا بياخدلك حقك بـ إيدك، وأنا مستني حقي.. ومحبش أشوف اللي ظلمني بيتظلم قدام عينيا، أنا غلطت واتسرعت في الفيديو اللي أنا عملته بس أنا راجل.
وكان بيومي فؤاد استنكر بعض تعليقات الجمهور على العمل في الفن من أجل الأموال، وصرح حينها قائلا: أنا وكل زملائي دول إحنا بنحبكم وهنفضل طول عمرنا نحترمكم.. كتر خيركم.. إحنا بنتعب وبنقدم فن مش عشان نيجي نضحك.. لو الموضوع كدة يبقى فيه فنانين من أيام نجيب الريحاني لغاية محمد أنور المفروض ينتحروا.. تحياتي لحضراتكم أنا آسف، إحنا اتظلمنا والله، واتهانّا، وإحنا جايين نقدم فن.. أقسم بالله إحنا مش بتوع فلوس.. والله العظيم لو العرض ده اتعمل بدون أجر لمدة 15 يوم كمان هيبقى لينا شرف، وفرحانين جدًا.
مفاجأة.. بيومي فؤاد يرفض مقابلة محمد سلام في كواليس تصوير الكبير أوي
وأشار بيومي فؤاد، إلى أنه رفض لقاء محمد سلام خلال تصوير مسلسل الكبير أوي الجزء الثاني، مؤكدًا أن مؤلفي العمل غيروا بعض المشاهد حتى يتحقق طلبه، قائلا: طلبت إني مقابلش محمد سلام في كواليس مسلسل الكبير 8، وفي مشاهد اتعاد كتابتها عشان منتقابلش.
بيومي فؤاد يتهم محمد سلام في أزمة محمد أنور مع الجمهور
واتهم بيومي فؤاد، الفنان محمد سلام، في أزمة محمد أنور الشهيرة مع الجمهور، بعدما وافق الأخير على المشاركة في مسرحية زواج اصطناعي، والتي اعتذر عنها سلام، قائلا: محمد سلام اتسبب في اللي حصل لـ محمد أنور ومطلعش دافع عنه، وأنا كنت محروق على محمد أنور، مع إن محمد سلام هو اللي مرشح أنور وقالنا هاتو حد من مسرح مصر.
أول رد من بيومي فؤاد على هجوم الجمهور عليه بسبب أزمته مع محمد سلام
ورد بيومي فؤاد، على تعليقات وهجوم الجمهور عليه بعد أزمته الشهير مع محمد سلام، موضحًا: اللي شتمني هنتقابل في المحاكم ومش هشتم حد، وعشت أصعب 5 أيام في حياتي، كنت أنا ومراتي في السعودية وأولادي كانوا في مصر، واكتشفوا إن المقربين مننا بيشتموا فيا وده كان صعب علينا.
بيومي فؤاد يكشف سبب ظهوره التلفزيوني بعد أزمة سلام وأنور
من جانبه، كشف الفنان بيومي فؤاد، أنه بالتحري عن الأشخاص الذين سبوه وشتموه بعد الأزمة الأخيرة تبين أنهم شباب صغار في سن 17 و18 و20 سنة، قائلا: اللي شتمني.. أنا أخويا محامي واكتشفنا أنهم أولاد صغيرين، وأنهم يسمحوا يشتموني بأمي وأبويا العيب مش عليهم، ولكن العيب على اللي رباهم.
وأضاف بيومي فؤاد، أنه قرر الظهور في الإعلام لتوضيح الصورة لمن يحبوه، قائلا: اللي بيحبوا بيومي وزعلانين مني أنتم فوق دماغي واطلقوا عليا لقب الجوكر ونجم الكوميديا، ولكن لما عائلة بسيطة يصوروا معايا ويقولوا لي بنحس إنك واحد مننا ومن بيتنا ويزعلوا مني يبقى انتهيت ولو فهموني غلط.
واستكمل بيومي فؤاد: اللي بيحبني ويحترمي فوق راسي، واللي مش بيبحني ولكن يحترمني أنت فوق دماغي، وأنا شخصيتي زي ما هي عفوي وطيب وراجل.
