في ذكرى وفاته.. الوجه الآخر لـ حياة عبد الحليم حافظ: تعبت 4 سنين وقالوا ده سادد الطريق قدام الناس في الأعمال
يحل اليوم ذكرى وفاة العندليب الأسمر عبد الحليم حافظ الذي رحل عن عالمنا عام 1977، بعد صراع مع المرض، ولكن لا تزال ذكراه تحتفظ بمكانتها الخاصة في قلوب المعجبين حتى اليوم، وتستمر أغانيه وأدائه الفني في الإلهام والتأثير على الأجيال، حيث أحبه الملايين من المعجبين بسبب صوته الفريد وأدائه العاطفي.
عبد الحليم حافظ: الفنان ميقولش أنا اكتفيت
وكان العندليب الأسمر وجه العديد من النصائح للفنانين الصاعدين، حيث قال في أحد الحوارات التلفزيونية: لازم الفنان أو المطرب يحافظ على مكانته، وميقولش أنا اكتفيت، ولازم طريقة تعامله مع الجماهير أنه يكون واحد منهم، والفنان بتتحدد قيمته ومكانته وموهبته ودراسته منه هو.. ممكن تخلق فنان على ورق وممكن تكتب عن فنان لحد ما اسمه يملى الدنيا كلها وتعملهم أفلام.
وأضاف: فيه ناس اتعملهم أفلام على أساس إنهم ينافسوا عبد الحليم حافظ، والأستاذ هاني شاكر أو محرم فؤاد دول ناس اتعملهم أفلام لأن مافيش حد يقدر يجيب عبد الحليم حافظ ويديله كل شهر 50 ألف جنيه، وأنا وصل أجري 50 ألف جنيه.
عبد الحليم حافظ: قعدت 4 سنين تعبان
كما كشف عبد الحليم حافظ معاناته مع المرض لمدة 4 سنوات، قائلًا: فضلت تعبان 4 سنين ولا بمثل ولا بغني ولا باجي ناحية التليفزيون، ويقولوا ده سادد الطريق على الناس في الأعمال طب إزاي وأنا تعبان؟
وأكمل: اللي عاوز يظهر موهبته يظهرها بس مش على أكتاف حد، والفن مفهوش الهيصة دي، أنا قعدت سنتين محدش كتب عني.. وأمي توفت وقت ولادتي وملحقتش أشوفها.
