مين بيحمي مرتضى منصور؟.. تعليق مفاجئ من أمير مرتضى
حرص أمير مرتضى منصور المشرف العام السابق على الكرة في نادي الزمالك، على التعليق بشأن الحديث عن غرور والده المستشار مرتضى منصور رئيس نادي الزمالك السابق.
تصريحات أمير مرتضى منصور
وقال أمير مرتضى منصور خلال استضافته مع الإعلامية أميرة بدر عبر قناة النهار، على غرور والده: المستشار مرتضى منصور مش مغرور، ولو مشيتي في جامعة الدول بالليل هتلاقيه ماشي لوحده من غير سواق وبيشتري الجرايد بنفسه وبيدخل السوبر ماركت، واللي بيحميه ربنا.
وأكمل: هو فيه واحد حد بيحميه هيتحبس كل سنتين مرة، في آخر 10 سنين اتحبس 4 مرات، لما بيبقى في الحبس بيبقى قوي جدًا، بروح له في كامل أناقته وطاقته وبيتعامل أنها استراحة محارب، زرته في سجون كتير زي المزرعة وطرة ووادي النطرون.
وتابع أمير مرتضى: والدي دايمًا بيتعامل إنها محنة وبيقول دايمًا متقلقوش أنا مظلوم ومش داخل في حاجة مخلة، وهو فعلًا مظلوم لأن في واحد ضرب واحد على الهوا وطلع بعدها بيوم على الهوا عادي.
وزاد: زي مانا بيتقال عليا عندي كتائب إلكترونية، هو أنا لو عندي ده هيبقى فيه صفحات بتقول عليا بتاع عمولات ومخدرات، ده كان ناقص يتقال عليا بوئد بنات أو المسيخ الدجال مثلًا.
وأتم أمير مرتضى منصور تصريحاته قائلا: معنديش غرور بس بتجيلي لحظة سيطرة، بقى عندي وعي بالمرحلة اللي أنا فيها، وبخلي بالي من كل قرار، وكان عندي مشكلة إني بعد 10 سنين أشوف نفسي في إنترفيو ماندمش.
