ننشر أقوال المجني عليه في واقعة تعدي شقيقين عليه بالشرابية وإحداث عاهة مستديمة بجسده
شهدت منطقة الشرابية التابعة لمحافظة القاهرة واقعة مأساوية، حينما أقدم شقيقان وهما محمود. خ. م 22 سنة ويعمل سائق توك توك، وناصر. خ. م 23 ويعمل سائق توك توك، على التعدي بالضرب وإحداث عاهة للمجني عليه من أجل سرقة هاتفه خلال مشاجرة نشبت بينهم تطورت إلى قيام المتهمين بتسديد عدة طعنات متفرقة بجسده.
أقوال المجني عليه في واقعة تعدي شقيقين عليه وإحداث عاهة مستديمة بجسده
وحصل القاهرة 24 على أقوال المجني عليه في القضية التي حملت رقم 1145 لسنة 2024، وأدلى المجني عليه بأقواله أمام جهات التحقيقات قائلا: اسمي محمد. خ. ح 27 سنة مقيم بمنطقة الشرابية التابعة لمحافظة القاهرة.
وبسؤاله عن ما هي تفصيلات حدوث إصابته؟
أجاب: اللي حصل أني تلفوني اتسرق والي سرقه واحد اسمه حماصه روحت عشان اعمل محضر في قسم شرطة الشرابية وبعد كده مشيت فعرفت ان حماصه ده بيقعد مع محمود وشهرته محمود الشيخ واخوه ناصر وشهرته ناصر الشيخ فقولت اروحلهم علشان اشوف حماصه عندهم ونحل الموضوع ده قاعدت انده فمحدش رد عليا فقعدت اشتم في الي سرق التلفون بتاعي لاقيت في واحده خرجت من بلكونه وقاعدت تشتم، قولتلها انا مش برد علي حريم هاتيلي الرجالة الي عندك وجيت امشي لاقيت محمود وناصر جاين عليا، ومحمود كان معاه كذلك وناصر معاه حاجه زي مطوه، وقاعدوا يضربوا فيا لحد ما وقعت في الأرض والناس خدتني وطلعت بيا علي مستشفى وده كل الي حصل.
س: متى وأين حدث ذلك تحديدًا؟
ج: الكلام ده حصل امبارح بتاريخ 28 فبراير 2024 الساعة 5 المغرب 5 شارع محمد عبد ربه ارض الشركة الشرابية.
س: وما سبب تواجدك بالمكان والزمان أنفى البيان؟
ج: أنا كنت رايح عشان اشوف حماصه عشان عرفت انه بيقعد معاهم وقولت اشوف التلفون بتاعي معاه وأخلص من الموضوع ده.
س ومن كان برفقتك آنذاك؟
ج كنت لوحدي.
س وما هي أسماء المتهمين تحديدًا؟
ج محمود. خ الى شهرته محمود الشيخ واخوه ناصر. خ اللي شهرته ناصر الشيخ.
س وما هي علاقتك بالمتهمين؟
ج مليش علاقة بيهم هما جيران بس.
س وهل هناك ثمة خلافات سابقه بينك وبين أيا من المتهمان؟
ج: لا.
س وما هي ظروف تلاقيك والمتهمين يوم الواقعة؟
ج اللي حصل أن بعد ما قولت للست الي طلعت من البلكونة وقاعدت تشتم فيا وجيت امشي، لاقيت محمود وناصر جايين عليا ومحمود كان معاه كذلك وناصر معاه حاجه زي مطوه، وقاعدو يضربوا فيا لحد ما وقعت في الأرض والناس خدتني وطلعت بيا على مستشفى اللي حصل.
س: وهل دار ثمة حوار بينك وبين المتهمين
ج: لا.
س: وما سبب قيام المتهمين بالتعدي عليك
ج عشان انا كنت واقف بشتم في اللي سرق التلفون
س وما هي كيفية تعدى المتهمان عليك، وما هي الأفعال التي قاموا بها تحديدًا؟
ج هو انا جيت امشي بعد الست ما شتمتني وانا قولتلها هاتي الرجالة الي عندك لاقيت محمود خالد واخوه جاين بيجروا من ورايا بلف وشي، لاقيت محمود ماسك كذلك كبير وناصر ماسك حاجه زي مطوه كده محمود ضربني علي ضهري وفي وشي وناصر قاعد يغز فيا وانا دوخت ورحت رايح واقع، وبعد كده الناس خدوني وراحو بيا على المستشفى.
س وما هي الحالة التي كان عليها المتهمان أنداك؟
ج هما كانوا جاين من ظهري وكل واحد فيهم كان معاه سلاح.
س وما هي الأسلحة التي كانت بحوزة المتهمان السالف ذكرهم آنذاك، وما وصفها تحديدًا؟
ج هو محمود كان معاه كذلك كبير وناصر كان معاه مطوه او سكينه بس حاجه صغيره وقعد يغزني بيها مش عارف ايه هيا بالظبط.
س صف لنا كيفية حدوث إصابتك تحديدًا؟
ج انا لما جيت امشي بعد الست ما شتمتني وانا قولتلها هاتي الرجالة الي عندك لاقيت محمود خالد واخوه جاين بيجروا من ورايا بلف وشي لاقيت محمود ماسك كذلك كبير وناصر ماسك حاجه زي مطوه كده محمود ضربني علي ضهري وفي وشي وناصر قاعد يغز فيا وانا دوخت ورحت رايح واقع علي الأرض، وبعد كده الناس خدوني وراحو بيا على المستشفى.
