محمود العسيلي: ماكنتش أقصد الصراع مع عصام صاصا.. وخدت على قفايا بسبب الغرور
كشف الفنان محمود العسيلي، العديد من الأسرار حول حياته الشخصية، بجانب الحديث عن رأيه في أغاني المهرجانات الشعبية مقدمًا اعتذارًا لمؤدي المهرجانات عصام صاصا.
ونستعرض لكم في السطور التالية أبرز تصريحات العسيلي التلفزيونية:
- هوايتي قراءة لغة الجسد.. وأبحث دائما عن السعادة.
-أغاني أنت تقدر وابن مصر سيخلدها التاريخ.
-لست ضد المهرجانات وأغانيها انعكاس للذوق العام.
-كل حد أذاني علمني درس في حياتي كبير.
-اتعلمت إن عمري ما أبقى راضي عن مشروع فني، ولا أضمن النجاح ولا أعمل حاجة.
-الحب بيبتدي قوي وبعدين بيختفي بسبب إن الناس بتختفي مع الظروف والوقت.
-أنا مؤمن بالخلود الفني وإن في حاجات عملتها هتقعد.
-الأغاني بتاعتي في الإعلانات بتعيش والناس بترقص عليها وعلقت معاهم وبيشغلوها وبتدي أمل وعزيمة وإصرار.
-التمثيل كان تجربة واخترت طريق الغناء بلا تردد.
-خدت على قفايا بسبب الغرور.
-بقدر النعمة وأكبرها وإنها تكون ممتدة في إننا نكبر ونعجز مع بعض.
-المهرجانات في جزء كبير منها فرقعة ولون جديد ومصري أصيل بتاع الشارع أوي.
-مكنتش قاصد صراع مع عصام صاصا ولا بتوع المهرجانات وبقوله ياصاصا أنت ناجح وجميل ومحترم ومش قصدي أقلل منه بدليل إنه رقم 1 على المنصات وابني بيسمعه.
-حسن شاكوش بحبه ومؤمن بيه وبموهبته وهو جامد وقلت له عايزك تركز وتكسر الدنيا ومش بهاجم حد.
-عمر ما بيجيلي يأس ولو غلط بحاول أدور أنا عملت إيه غلط واللي بكتشفه إني بدي بزيادة.
