إبراهيم سعيد: اللي بيقولوا شيكابالا أسطورة منافقين.. والأهلي بلا أساطير الآن
وصف إبراهيم سعيد نجم الكرة المصرية، كل من يقولون على لاعب الزمالك محمود عبد الرازق شيكابالا أسطورة بالمنافقين، قائلا: كل اللي بيقول على شيكابالا أسطورة، هو شخص منافق لأن اللقب دا محتاج يكون صاحبة فيه مواصفات معينه.
إبراهيم سعيد: اللي بيقولوا شيكابالا أسطورة منافقين.. والأهلي بلا أساطير الآن
وأضاف سعيد في تصريحات تليفزيونية: مفيش حد هيقضي حياته في الكورة، مفيش حد مخلد في الملعب، وانا بقول وجهة نظري وأنا بتفرج على الماتشات وبشوفه مش قادر يجري والبدني قليل، ولو في حد مش عاجبه كلامي نلغي الإعلام عشان يكونوا مبسوطين.
وأردف إبراهيم سعيد: انتم شايفن شيكابالا أسطورة شيء يخص الجمهور، لكن بناء على أيه بقى أسطورة، الأساطير هم محمد صلاح والخطيب، حسن شحاتة، صالح سليم وحسن حمدي، وكابتن ثابت البطل وحسام حسن.
وتابع نجم الكرة المصرية: شيكابالا لم يحصل على بطولة دوري أبطال إفريقيا، وهناك معلقين تحب تمنح الألقاب للاعبين خشية من الجماهير، وحاليًا لا يوجد أسطورة في النادي الأهلي.
أزمة إبراهيم سعيد وأحمد حسن
وتطرق إبراهيم سعيد لأزمته الأخيرة مع أحمد حسن، قائلا: أحب أحمد حسن على المستوى الشخصي، ولكن أحب التقدير ولازم ينزل شوية من السما ويتعامل طبيعي مع الناس وميبقاش لوحدة كدا.
