نشرة أخبار الحوادث| إعدام قاتل اللواء اليمني وإحالة مسؤولة بنك شهير للمحاكمة وضبط سيدة تبث فيديوهات مخلة
شهدت الساعات الماضية العديد من أخبار الحوادث، التي نالت اهتمام الكثير من القراء في مصر وخارجها، ويقدم القاهرة 24 نشرة ودفتر أحوال الجريمة وآخر أخبار الحوادث، وكان أبرزها: الحكم بإعدام قاتل اللواء اليمني حسن العبيدي، وفتاة تحذر: ركبت مع سائق أوبر وغيّر الطريق عدة مرات.. ومدانيش الشنطة غير لما دفعت 500 جنيه، والقبض على سيدة تبث فيديوهات منافية للآداب بالإسكندرية، وإحالة مسؤولة بنك شهير للمحاكمة لاتهامها باختلاس مليون جنيه.
الحكم بإعدام قاتل اللواء اليمني حسن العبيدي
قضت الدائرة 13 جنايات بمحكمة جنوب القاهرة المنعقدة بزينهم، أمس الخميس، بإعدام قاتل اللواء اليمني حسن العبيدي، المسؤول العسكري اليمني داخل مسكنه بشارع العشرين بمنطقة فيصل بالجيزة، والحكم بالمؤبد للمتهم الثاني، والحكم بالسجن 15 عاما للمتهمين الثالث والرابع، وبراءة المتهمة الخامسة.
وفي وقت سابق، قررت الدائرة 13 جنايات بمحكمة جنوب القاهرة المنعقدة بزينهم، إحالة أوراق المتهم الأول بإنهاء حياة اللواء اليمني حسن العبيدي، المسؤول العسكري اليمني داخل مسكنه بشارع العشرين بمنطقة فيصل بالجيزة، لفضيلة مفتي الجمهورية لأخذ الرأي الشرعي في إعدامه، وتحديد جلسة الخميس للنطق بالحكم على باقي المتهمين.
وحصل القاهرة 24 على نص أمر إحالة المتهمين بقتل اللواء اليمني حسن بن جلال العبيدي، مدير دائرة التصنيع الحربي في وزارة الدفاع اليمنية، داخل مسكنه بمنطقة فيصل، في القضية التي حملت رقم 3854 لسنة 2024 جنايات قسم شرطة بولاق الدكرور، المقيدة برقم 493 لسنة 2024 كلي جنوب الجيزة.
وأوضح أمر إحالة قضية مقتل اللواء اليمني حسن بن جلال العبيدي أن المتهمين رمضان محمد 29 سنة، وعبد الرحمن أشرف وشهرته عبده عسلية 19 سنة، وإسراء صابر وشهرتها دينا 22 سنة، وسهير عبد الحليم وشهرتها منة 17 سنة، قتلوا المجني عليه اللواء اليمني حسن بن جلال العبيدي عمدًا مع سبق الإصرار؛ وسرقوه، بعدما بيتوا النية وعقدوا العزم المصمم على ذلك؛ بأن أعدوا لذلك عقارًا مهدئًا - الكلوازبين - وسلاحا أبيض مطواة، ومشاركة المتهمة آية رضا 23 سنة لإخفائها جزءا من المسروقات.
فتاة تحذر: ركبت مع سائق أوبر وغيّر الطريق عدة مرات.. ومدانيش الشنطة غير لما دفعت 500 جنيه
نشبت مشادة كلامية بين فتاة وسائق أوبر - شركة توصيل مواطنين- بعدد اتخاذ السائق طريقًا مغايرًا عن الطريق المحدد له للتوجه إلى مطار القاهرة كما ترغب الراكبة، بالإضافة إلى خلافهما على أجرة الركوب، حتى وصل الأمر إلى تهديد الفتاة بالاستيلاء على حقيبتها في حال لم تنصع لطلباته، واكتشفت الفتاة فيما بعد أن السائق له تقييم سلبي، لمحاولته في السابق خطف بعض الفتيات.
وقالت حبيبة أسامة، فتاة أوبر، لـ القاهرة 24: في البداية أنا كنت طالبة عشان أروح مطار القاهرة، ولما نزلت وحطيت الشنطة في العربية وركبت السواق قالي إن هو ساكن في مدينة نصر، وكده كده هيرجع على هناك من أكتوبر عشان كده قبل الرحله بـ 200 جنيه بس، وطلب مني يزود قولتله هو الابلكيشن محددها كده وأنا كده كده بدفع الكارتة قالي بس أوبر عنده مكتوب فيه إن الرحلة بـ 500 جنيه.
وتابعت: جربت من عندي لقيت من البيت للمطار 258 جنيه بالظبط فقولتله خلاص هطلب أنا أوبر ونزلت من العربية قالي طب اطلبي دلوقتي وأنا هقبل قولتله لو حضرتك شايف السعر قليل عادي هطلب حد تاني قالي لا والله أنا كده كده رايح وساكن هناك ولازم تركبي تاني وعيب تنزلي، وكان عدى ربع ساعة بنتكلم قولت أخلص وأركب عشان ألحق الطيارة.
وأضافت الفتاة: المهم وإحنا لسه في أكتوبر فضل يدخل طرق غريبة ودخلني طريق مقطوع ومكتوب عليه إنه مصنع الخليج أو حاجة زي كده، وقتها بعت لايف لوكيشن لأهلي وقولتلهم كلموني، وفضلوا يتصلوا بيا عشان يحسسوه إن في حد مستنيني فسألته هو إيه الطريق ده قالي لا ده اللوكيشن قولتله هو ليه جايبنا من هنا سكت ولف ورجع على الطريق السريع وكان بيتوه كتير وبعد ساعة كنت لسه مطلعتش من أكتوبر أصلا والطريق كله المفروض ساعة وبدأت اتأخر على الطيارة بعدين لقيته بيقولي ممكن تظبطي اللوكيشن عند الصالة قولتله ما هو جوا المطار قالي لا حطيه عند الصالة، قولت له الصالة مش موجودة على اللوكيشن أصلا، أنا دايما لما بطلب هو بيدخلني عشان كل الصالات جمب بعض، فقالي طب حطي رقم الصالة بس قولتله مش موجودة مش لاقياها، قالي طب هاتي كده وخد الموبايل حط لوكيشن تاني والمسافة زادت من 260 جنيه بقى بـ 488 جنيه.
وواصلت فتاة أوبر حديثها، قائلة: لما شوفت قولتله ده مش منطقي عشان تمشي مترين زيادة أدفع 200 جنيه قعد يجادلني كتير قولتله طب ممكن توصلني اللوكيشن القديم وهديك فلوسك قالي هو اللوكيشن كان فين قولتله نزلني قدام المطار فوقف مكان فيه ميكروباصات وقالي اللوكيشن هنا قولتله ده اللوكيشن مش قولتلي إنه قدام المطار؟ قام مشي تاني وقالي هنزلك حته أقرب لقيته بيدخل في شوارع وده مش طريق المطار والطيارة باقي عليها نص ساعة ويقفلوا الكاونتر فقولتله ممكن تنزلني هنا عشان ألحق أطلب حد تاني مكانش راضي لحد ما زعقتله وطلبت منه كذا مره ينزلني.
وأردف: وقف في مكان كله عربيات شحن الكبيرة دي ونزلت واديته 260 جنيه قعد يقولي ممكن تدفعيلي 500 ده تمن الرحلة قولتله هو مش حضرتك نزلتني في اللوكيشن القديم اللي بتقول عليه يبقى ليه أدفع سعر الرحلة قالي ماليش دعوة ده حقي لازم تدفعي قولتله ممكن الشنطة عايزة ألحق الطيارة قالي مفيش شنطة غير لما تدفعي وقعد يزعق وأنا عايزة حد يلحقني بس كان كله عربيات ولو كنت بعدت كان ممكن ياخد الشنطة ويمشي بالعربية وماما وإخواتي كانوا معايا على التليفون وسامعين الخناقة وهو عمال يزعق ورافض يديني شنطتي قالولي اديله الفلوس وهنتصرف بعدين فاديته الفلوس وخدت الشنطة ومشي وفضلت واقفه في طريق ضل بالشنط لحد ما واحد تاني جالي.
القبض على سيدة تبث فيديوهات منافية للآداب بالإسكندرية
ألقت الأجهزة الأمنية، القبض على إحدى السيدات لبثها مقاطع فيديو خادشة للحياء عبر أحد التطبيقات بهدف الترويج للأعمال المنافية للآداب، وتم اتخاذ الإجراءات القانونية.
وأكدت معلومات وتحريات الإدارة العامة لحماية الآداب بقطاع الشرطة المتخصصة قيام إحدى السيدات لها معلومات جنائية، ببث مقاطع فيديو خادشة للحياء عبر أحد التطبيقات بهدف الترويج للأعمال المنافية للآداب.
عقب تقنين الإجراءات تم ضبطها بمحافظة الإسكندرية، وعُثر بحوزتها على هاتف محمول بفحصه تبين احتوائه على العديد من الدلائل التي تؤكد نشاطها الإجرامي، وتم اتخاذ الإجراءات القانونية.
إحالة مسؤولة بنك شهير للمحاكمة لاتهامها باختلاس مليون جنيه
قررت جهات التحقيق إحالة مسؤولة بنك شهير بفرع مدينة نصر أول، للمحاكمة الجنائية لاتهامها بالاستيلاء على مليون جنيه عهدة عملها في البنك الشهير.
ووجهت جهات التحقيق للمتهمة أنها قامت باستلام مبالغ مالية وقدرها مليون و51 ألف الخاصة بإيداعات العملاء بالماكينة وكذا مبلغ مالي وقدره 24950 أربعة وعشرون الفا وتسعمائة وخمسون جنيها مرتجعات النقدية الخاصة بعدد اثنين عملاء ناتجة عن عمليات سحب لم تنفذ على ماكينة الصرف الآلي وقامت بردها من حساب البنك للعملاء.
وأكد أمر الإحالة أن المتهمة تسلمت 900 جنيه نظير تغيير بعض الأوراق المالية من الماكينة بفئات مالية أقل، وذلك لتوريد كافة تلك المبالغ المالية لجهة عملها إلا أنها قامت باختلاسه لنفسها على النحو المبين بالتحقيقات.
وتابع أمر الإحالة: أن المتهمة قامت في ذات الزمان والمكان سالفي البيان بتزوير عدد من إيصالات توريد إيداعات العملاء بماكينة الصرف الآلي رقم 467، وذلك بأن قامت بإثبات مبالغ مالية أقل مما قامت باستلامه من ماكينة الصرف الآلي على خلاف الحقيقة وكذا قامت بتزوير محاضر الضبط والتشغيل الخاصة بالماكينة المعادلة.
