إيناس الدغيدي لـ أميرة بدر: مستحيل أبقى زوجة تانية بس ممكن أكون حبيبة
قالت المخرجة إيناس الدغيدي إنها تعيش قصة حب من طرف واحد، مؤكدة أنها لم تخبر الطرف الآخر بهذا الحب لأنه متزوج ولا تحب خراب البيوت.
وأضافت إيناس الدغيدي خلال استضافتها في برنامج أسرار الذي تقدمه الإعلامية أميرة بدر: برجي برج الحوت بتاع الحب، لكن حبي دلوقتي مختلف، ممكن أحب حد مبشوفهوش.
وأكملت إيناس الدغيدي: في حد بحبه بس هو مش عارف، وشايفة إن ده الراجل اللي بتمناه، مش هقوله ولا أبين له، بحب شخصيته وقوته مش شكه بحب الراجل اللي عنده باور فلوس وسلطة، ومش ممكن أقوله.
إيناس الدغيدي: بحب راجل متجوز
وواصلت إيناس الدغيدي: كبريائي بيخسرني، بشوفه بس ميعرفش إني معجبه بيه، ومش معايا رقم تليفونه حتى، بيعجبني كل حاجة فيه بس متجوز ومبجيش ناحية المتجوزين.
وتابعت إيناس الدغيدي: زوجي لما حبني كان متجوز، ولا يمكن أبقى زوجة ثانية، لكن ممكن أبقى حبيبة، تفرق كتير، لأن الحب أوقات لكن مش كل يوم في البيت، واللي بيني وبينه هيبقى الحكاية الحلوة مش الوحشة، وكفاية أشوفه مرتين في الأسبوع، لكن لو ساب وجه هتجوزه بس مش هقوله أعمل كده، مش هحب بدون إرادة، إنما لو مخططة وراسمة ده مش حب.
برنامج أسرار
برنامج أسرار، تقدمه الإعلامية أميرة بدر على شاشة النهار يوميًا خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
