واقعة نيرة صلاح.. والد المتهمة بالتحقيقات: بنتي هادية وكلامها قليل
كشفت التحقيقات في قضية طالبة العريش نيرة صلاح، التي عثر على جثتها داخل المدينة الجامعية، تفاصيل جديدة.
قضية نيرة صلاح طالبة العريش
وحصل القاهرة 24، على نص تحقيقات قضية نيرة صلاح فتاة العريش، حيث جاءت أقوال والد الطالبة شروق المتهمة الثانية كالآتي:
قال والد الطالبة شروق المتهمة في واقعة قضية نيرة صلاح: اللي حصل إن بنتي شروق دخلت كلية طب بيطري جامعة العريش، وكانت قاعدة في المدينة الجامعية الخاصة بالجامعة، وهي قاعدة في السكن مع بنات أسماءهم مريم وولاء ونيرة، وفي بداية الدراسة في حوالي شهر نوفمبر 2022 بنتي حكيتلي إن فيه فلوس 200 جنيه ومتعلقات شخصية بتتسرق منها، سألتها مين معاكي في الأوضة، وقتها قالتلي نيرة علشان ولاء ومريم كانوا في أجازة، قولتلها اقفلي دولابك وأنا هعدي عليكي أجيبلك أقفال، علشان تقفلي دولابك كويس وخلي المفاتيح معاكي.
وتابع والد المتهمة في واقعة قضية نيرة صلاح: عرفت بعديها إن في بنت تانية معاهم في الأوضة اتسرق منها فلوس، وكانت نيرة هي اللي موجودة برضو معاها في الفترة دي، فقلتلها أنتوا لازم تاخدوا منها جنب وتحافظوا على حاجتكم، وبعدين عرفت من شروق إن نيرة مشيت من الأوضة وبعدين عرفت من شروق قبل الواقعة إن نيرة بتتكلم على شروق كلام مش كويس، وأنا ساعتها قولتلها تجنبيها واتصلي احكي لمامتك.
وأضاف: بعديها كلمتني شروق يوم الواقعة واشتكيتلي تاني من نيرة، قالتلي إنها على علاقة بشخص وعلاقة مش كويسة وهي بتجيب اللي فيها فيا، وأنا مكنتش عايزة أعرفك وأنا ساعتها سألتها عرفتي منين قالتلي إن تليفونها كان مفتوح قدامي وشوفت الشات، والشات معايا أنا وصحباتي اللي في الأوضة وشوفت الشات معاها وقولتلها امسحي الشات ده وأنا هتصرف وروحت متصل بوكيل الكلية، وقولتله اللي قالتهولي بنتي، وقال إنه هيتصل بشروق وهياخد رقم نيرة وهيكلمها وبعدين بالليل عرفت إن نيرة ماتت.
وأشار والد شروق المتهمة في واقعة قضية نيرة صلاح: بنتي هادية جدا وكانت قليلة الكلام حتى إني لما كنت بنزل الراحة بتاعتي مكنتش بتخرج كتير، وأول خروج ليها كانت الجامعة وكانت قاعدة في المدينة الجامعية في نفس مكان شغلي، وكنت بجيبها معايا وهي نازلة المدينة وكنت كل شوية بسأل عليها وبقعد معاها وبتناقش معاها، وكانت إنسانة سوية جدا وشاطرة جدًا في دراستها، ودايمًا بتاخد شهادات الجامعة والدكاترة كلهم بيشهدوا لها إنها متفوقة في دراستها وعلى خلق.
