ملك أحمد زاهر: والدي شد شعري بجد في مشهد المواجهة في محارب
تحدثت الفنانة ملك أحمد زاهر، عن كواليس مشهدها مع والدها الفنان أحمد زاهر، الذي جمعهما في مسلسل محارب.
وقالت ملك أحمد زاهر خلال حوارها مع القاهرة 24: الحمد لله الفيدباك كان حلو أوي، والكومنتات والناس في الشارع بتكلمني على المشهد ده، وقعدنا نذاكر المشهد وقولنا لازم يطلع كويس.
وأضافت ملك أحمد زاهر: أخدنا المشهد ده one take، معيدناش خالص، وفصلت تمامًا بين إن ده أبويا وإنه شخصية حسام المحامي الفاسد، وهو فعلا شد شعري بجد.
ملك أحمد زاهر: هشام جمال أقنع والدي في 9 ساعات بخطوبة ليلى
وسبق وتطرقت ملك أحمد زاهر للحديث عن خطوبة شقيقتها ليلى، بالمنتج هشام جمال، حيث قالت: كنا خايفين في البداية نقول لبابا على خطوبة ليلى، لأنه بيخاف علينا والحمد لله معيشنا طول الوقت في حنية كبيرة، وإحنا بالنسبة له حياته كلها، هو شايف ليه أسيبكم لحد يبهدلكم.
وأضافت ملك أحمد زاهر: هشام لما جه شال من على قلبنا كل ده، وخد بابا وقعد معاه 9 ساعات يقنعه، وبابا شاف إن ليلى هتكون في أمان وإن هشام راجل يؤتمن عليها معاه.
أما عن المواصفات التي تتمنى تواجدها بـ شريك حياتها، أجابت ملك زاهر: أنا عن نفسي مش هروح مع حد غير لما يكون قد بابا في الحنية وبشوف إن بابي مش هييجي راجل ذيه تاني.
