الديون كترت عليا فخطفته.. اعترافات المتهم بخطف وإنهاء حياة صغير مدينة نصر
كشفت التحقيقات تفاصيل خطف ومقتل الصغير إبراهيم، على يد حداد، جار أسرته، بسبب مروره بضائقة مالية، حيث طلب فدية من والده لسداد ديونه بمدينة نصر بالقاهرة.
اعترافات المتهم بخطف طفل مدينة نصر وإنهاء حياته
وقال المتهم بإنهاء حياة طفل مدينة نصر بعد خطفه لطلب فدية من والده: اللي حصل إن أنا كنت فاتح ورشة حدادة، وكانت حالتي المادية كويسة، وكنت كسيب، وبعدين بدأ الحديد يغلى والشغل يقل وظروفي المادية بقت وحشة، وبدأت أشرب مخدرات وكنت بشرب حشيش كتير، وبعدها البودر وأدمنته ومعرفتش أبطله وفلوسي كلها كانت رايحة عليه.
وأضاف المتهم بإنهاء حياة طفل مدينة نصر بعد خطفه لطلب فدية من والده: أخدت قرض من البنك بـ 10 آلاف جنيه ومعرفتش أسدده وبعدها استلفت مبلغ 5000 جنيه من واحد اسمه رشوان ومعرفتش أسدد الفلوس برضه، وأنا كنت مأجر الشقة بتاعته اللي على السطح في عمارة ناجح عطا الله، ومكنتش برضه بدفع الايجار وكانوا كل شوية يطالبوني بالفلوس وأنا مكنتش عارف أعمل إيه فسبت الشقة.
وأكمل المتهم بإنهاء حياة طفل مدينة نصر بعد خطفه لطلب فدية من والده: وبعدين في العيد كلمته وقولتله إن أنا عايز أرجع الشقة تاني بس يصبر عليا شوية وإني هدبر له الفلوس اللي هو عايزها مني فقالى مفيش مشكلة أرجع الشقة تاني ويوم الثلاثاء اتقابلت مع رشوان ومحمد الأبيض وقالولي هتجيب فلوس رشوان إمتى، وكنت حاسس بضغط رهيب عليا ومش عارف أعمل إيه فقولتلهم أنا هخطف عيل صغير وهرجعلكم الفلوس اللي عليا.
واختتم المتهم بإنهاء حياة طفل مدينة نصر بعد خطفه لطلب فدية من والده: قالولي حد الله بينا وبين الكلام ده، بس أنا قلت مفيش قدامي غير إني أخطف عيل صغير وأطلب فدية من أهله وبكده كل مشاكلي هتتحل، وبعدها بكام يوم روحت اشتري علبة سجاير من سوبر ماركت عم سيد وكان إبراهيم ابنه هو اللي قاعد فيه لوحده، ومعاه أخته، وساعتها جه في بالي إن هو ده اللي هخطفه وفضلت واقف بره لحد ما خرج فندهتله وقلتله إني عندي كلب صغير ومسافر البلد، فقالي أنا عايز أخده قلتله هو عندي في البيت على السطح تعالى معايا.
