مدحت العدل: الناس بعد 100 سنة هتتفرج على عتبات البهجة.. ومش مهتم بالترند| فيديو
تحدث السيناريست مدحت العدل عن مسلسل عتبات البهجة بطولة الفنان يحيى الفخراني، ورأيه في نجاح العمل خلال السباق الرمضاني 2024.
وقال مدحت العدل خلال حواره مع القاهرة 24: عتبات البهجة مسلسل اجتماعي واللي بيحصل في العمل هو اللي بيحصل في الواقع، وأنا مش مهتم بالترند ولا إنه يحقق نجاح دلوقتي.
وأضاف مدحت: أسهل ما عليا أعمل مسلسل يعمل ترند وهنجح وإحنا أصلا بتوع خلطات النجاح، ولكن إحنا بنبص لـ قيمة يحيى الفخراني والعدل جروب والمخرج مجدي أبو عميرة.
واستكمل العدل حديثه: أول مسلسل عملناه حديث الصباح والمساء ووقت عرضه منجحش، ولكن دلوقتي نجح نجاح كبير.. لما نيجي نعمل فن لازم نعمل فن هيعيش، والناس اللي بتتفرج على عتبات البهجة بتحبه في وسط زحمة المسلسلات.. وبعد 100 سنة الناس هتتفرج على عتبات البهجة.
مسلسل عتبات البهجة
يضم مسلسل عتبات البهجة عدد كبير من النجوم، ومن أبرزهم: يحيى الفخراني، هنادي مهنا، جومانا مراد، عنبة، صلاح عبد الله، سما إبراهيم، وعدد آخر من الفنانين، والعمل من إخراج مجدي أبو عميرة، وتدور أحداثه في إطار اجتماعي لايت.
