عشيق زوجة بدر الخائنة: رميت أجزاء من الجثة في 6 أكياس.. وروحت شغلي عادي
كشفت التحقيقات تفاصيل جريمة بدر والمتهم فيها سيدة وعشيقها، لاتهامهما بإنهاء حياة زوجها وتقطيعه داخل 11 كيسا، وذلك من أجل الخلاص منه ليخلوا لهما الجو، ولم يكتفيا بما ارتكباه بل مارسا الجنس بجوار جثمان المجني عليه.
اعترافات المتهمة وعشيقها بإنهاء حياة زوجها وتقطيعه في بدر
ويواصل القاهرة 24 نشر اعترافات المتهم الثاني أمام جهات التحقيقات، وكيف خطط المتهمان للتخلص من جثمان المجني عليه.
ويقول المتهم: اتفقنا على أن نقطعه ونرميه في الزبالة والكلام ده كان تاني يوم، لأنه أول يوم بعد ما قتلته كنت تعبان ودخلت ريحت في الأوضة اللي جنبه، وهي جاتلي وعملنا علاقه جنسية مع بعض.
وأكمل: وتاني يوم لما صحينا هي نزلت ابنها الشارع، وقولتلها روحي هاتي أكياس وهاتي سكينه وجابت الأكياس وجابت السكينة وأخدتهم منها، وشلته أنا وفاطمة ودخلته الحمام ودخلت عليه الحمام وقولتها انتي اطلعي بره الحمام هاتي المخدة والقطن اللي عليهم الدم وجابتهملي ودخلت بيهم الحمام.
وأضاف: ودخلت بيهم الحمام ومسكت السكينة وقطعت راسه من جسمه وقطعت يده الاثنين، وقطعت رجله الاتنين، وكل قطعة كنت بحطها في أكياس وحطيت القطن وقطعت المخدة اللي عليها الدم وخلتهم ضمن الأكياس دي وربطهم وكنت بناول فاطمة الأكياس وتدخل الأوضه تحطهم فيها.
وأردف: ونزلنا أنا وهي الأكياس دي ونرميها في صندوق الزبالة جنب البيت في صناديق زبالة على ثلاث أيام هي نزلت 5 أكياس وأنا تقريبا نزلت 6 أكياس والشوال الكبير اللي كان فيه صدر وبطن ودماغ المجني عليه وطلعنا الشقة تاني ونمنا مع بعض علاقة زوجيه وأنا مشيت روحت على الشغل.
وتابع: وكنت بتابع معاها في التليفون واتفقنا إننا نقول لأهل ياسر في البلد إنه مختفي وهي اتصلت بأهله وقالتلهم إنه مختفي وأهله قالولها روحي اعملي محضر وأنا قولتلها فعلا روحي اعملي محضر عشان يبقي الموضوع طبيعي ومحدش يشك فينا، وفعلا راحت عملت محضر تغيب، والظابط طلب منها تجيب صورة لياسر وجابتها وراحت تاني يوم القسم وبعدين أهل جوزها جم من البلد وأنا كنت بكلم فاطمة أعرف منها اللي حصل وأخو فاطمة كلمني وقالي تعالي البلد.
وأضاف: وهي كانت بتلم الشنط أهل جوزها بلغوا القسم وإنهم شاكين في فاطمة وعرفت إنها اتمسكت في القسم وأنا ساعتها كنت في بيت عمي في الجيزة وبعدين تاني يوم مشيت روحت الشغل في الفندق يوم الخميس الموفق 11/1/2024 حوالي الساعة 9 بالليل رنت عليا بنت أخت فاطمة وقالتلي خالتي فاطمة طلعت من القسم.
واختتم: ولقيت بعدها المباحث دخلت عليا وخدوني وأنا نايم وفتشوني وملقوش معايا غير تليفوني وخدوني على قسم مدينة بدر وقالولي لازم تقول الحقيقة عشان فاطمة اعترفت عليك وحكتلهم كل اللي حصل.
