والدة الطفل جان رامز ترد على انتقاد الجمهور له: إحنا مش بتوع ترندات وأصحابه كلهم معاهم موبايلات| خاص
أثارت صورة للطفل جان رامز الجدل بعد تداولها على منصات التواصل الاجتماعي، حيث ظهر فيها بهاتف محمول باهظ الثمن، وهو ما واجهه الجمهور بتعليقات سلبية تمت مُشاركتها على المنشور.
والدة الطفل جان رامز ترد على منتقديه على السوشيال ميديا
وفي إطار ذلك أجابت والدة الصغير جان رامز على المنتقدين خلال حديثها مع القاهرة 24، بأن هذا هو حق جان أن يمتلك هاتف مثل زُملائه، بعد أن شارك مستخدمو منصة فيسبوك، تعليقات سلبية على ظهور الطفل بمحموله باهظ الثمن، موضحين مدى المقارنة بين أجيال الطفولة السابقة وأجيال الطفولة الحالية.
وقالت والدة جان: التليفونات مع الأطفال في كل حتة وچان زي كل الأطفال بيمسك موبايل، لأن معظم أصحابه معاهم موبايلات حديثة، فـ ليه التركيز مع چان بس.
والدة الطفل جان رامز: كان عايز يتصور سيلفي ويعيد على الناس
وأضافت: هو كان حابب يتصور سيلفي ويعيد على الناس بمناسبة عيد الفطر المبارك، مجاش علي بالنا خالص إن الناس هتسيب التهنئة وتمسك في التفاصيل، مُشيرة إلى أن ظهوره بهذه البدلة القيمة كان أثناء حضوره عرض مسرحية تييت مع الفنان أحمد حلمي، قائلة: ممكن يلبس إيه غير حاجة شيك، عشان هو مهتم بملابسه ومظهره، إيه اللي يضايق الناس؟
وتابعت والدة جان مُعبرة عن رغبتهما هي وطفلها عن الامتناع عن التعليق، قائلة: إحنا مش بنهتم بـ الترندات، وأحسن تعليق في الحاجات دي هو اللا تعليق، وعلى فكرة إحنا عائلة متوسطة مش أثرياء يعني عشان يتعمل كل ده.
والدة الطفل جان رامز: مش كل حاجة نطلع نعلق عليها
واستكملت: بس مش كل حاجة نطلع نعلق عليها، وهو مش مهتم دلوقتي إلا بمذاكرته وامتحاناته فقط، لأنها أهم من الفيديوهات.
وكشفت والدته خلال حديثها مع القاهرة 24، عن بطولته المقبلة المشتركة مع الفنان أحمد حاتم، قائلة: إن شاء الله استنوا مسلسل السرداب قريبًا مع الفنان أحمد حاتم.
