شغلانتنا صعبة وأحمد السقا كان هيموتنا.. باسم سمرة يكشف كواليس مسلسل العتاولة
تحدث الفنان باسم سمرة عن كواليس مسلسل العتاولة والصعوبات التي واجهتهم في العمل، مشيرًا إلى أنه كان سعيدا بالتعاون مع أبطال المسلسل، خاصة أحمد السقا، كونه تعاون معه أكثر من مرة، وكذلك المخرج أحمد خالد موسى.
وقال باسم سمرة خلال استضافته وأبطال مسلسل العتاولة في برنامج الحكاية مع الإعلامي عمرو أديب: شغلتنا صعبة جدا ومرتبطة بتركيز وإخراج وتصوير وتأليف، وكنا بنشتغل 24 ساعة أو 20 ساعة أحيانًا وما نمناش 24 ساعة علشان لازم نسلم حلقات، ولكن كان فيه روح حلوة وأخوة وحرص من كل واحد فينا أن لو فيه عيب أو ديفوه عن التاني يتم تنبيهه وأنا كنت مطمن ومستمتع.
وأضاف باسم سمرة: أحمد السقا اشتغلت معاه أكتر من مرة، وأحمد خالد موسى كذلك، وأول مرة مع طارق لطفي وبعد يومين بقينا صحاب، وبحب اشتغل وأنا مرتاح مش وأنا متوتر أو أوقلقان، لازم أكون مرتاح واللي حواليا مبسوطين فيحصل إبداع.
كما كشف باسم سمرة موقفا طريفا مع أحمد السقا كادا أن يموتا بسببه قائلًا: أحمد السقا كان هيموتنا.. كنا قاعدين في لوكاندة في إسكندرية بنصور هناك، وكان فيه عاصفة شديدة اسمها عاصفة السحب وهي نوى سحب اللي في الشارع بيتسحب على البحر، وإحنا في الدور الثامن وأحمد قال عاوز اطلع البلكونة وفتح الباب وخرج ولقيته بيتسحب وطاير من البلكونة وأنا ماسك فيه.
باسم سمرة يتحدث عن إفيهاته في العتاولة
كما تحدث باسم سمرة عن إفيهات المسلسل قائلًا: فيه حاجات مكتوبة وحاجات ارتجالية، وإفيه يالا بينا اقتراح أحمد خالد موسى، ولكني وظفته أكتر من مرة بأداء كويس، وإفيه باي من غير سلام وارفوار من غير سلام من عندي، وفي النهاية معاك مخرج بيحبك وواخد باله.
وأكد باسم سمرة أنه سعيد بالتعاون مع جميع أبطال مسلسل العتاولة، قائلًا: العلاقة مستمرة بينا بعد انتهاء التصوير.
ومازح عمرو أديب في بداية الحلقة باسم سمرة قائلًا: نفسنا ما تموتش، في نداء من العالم العربي إن عيسى الوزان لا يموت، ليرد مصطفى أبو سريع: ده شيء بأمر الله.
