هل يحق للزوج التجسس على زوجته لو شك في سلوكها؟.. أمينة الفتوى تجيب
أجابت وسام الخولي، أمينة الفتوى بدار الإفتاء المصرية، على سؤال متصلة حول: هل للزوج أو الزوجة الحق في التفتيش بالموبايل الخاص؟
هل يحق للزوج التجسس على زوجته لو شك في سلوكها؟.. أمينة الفتوى تجيب
وقالت أمينة الفتوى بدار الإفتاء المصرية، خلال تصريحات تليفزيونية: ده يوصل إلى اضطراب بين الزوجة والزوجة، لازم يكون كل طرف مطمئن للآخر بالتراضي حتى لو هيشوف موبايلها أو تشوف موبايله، حفاظا على الأسرة.
وأضافت أمينة الفتوى: سيدنا النبي محمد صلى الله عليه وسلم، حذرنا من التحسس والتجسس، حتى لو فيه شك في الزوج أو الزوجة، لازم نبني جسر ثقة بينا ويكون بينا تفاهم وتحاور.
فيما، أجابت وسام الخولي أمينة الفتوى بدار الإفتاء المصرية، على سؤال متصلة عن إن زوجها يشك في سلوكها بسبب استخدامها الموبايل بكثرة.
وقالت أمينة الفتوى بدار الإفتاء المصرية، خلال تصريحات تلفزيونية، اليوم الاثنين: لازم نعرف سبب ده إيه، ممكن تكون مش بتستخدم الموبايل كتير لكن بتستخدمه في الوقت الموجود فيه زوجها، وبالتالي ده هيأثر على العلاقة وهيخلي الطرف الثاني يشك، طيب بتعمل إيه وممكن يكون بتكلم صاحبتها.
وواصل أمين الفتوى: هي المفروض توضح له هي بتعمل إيه، بتكلم أصحابها أو والدتها وتفهمه إن في مساحة خاصة، والزوج لازم يتفهم إن في مساحة خاصة، يعني مينفعش بيتكلم في التليفون نقوله شغل الإسبيكر عشان نعرف مين اللي بيتكلم.
