بسمة: الطب النفسي بنفس أهمية البشري.. ومفيش شخصية قدمتها أثرت عليا سلبيًا
كشفت الفنانة بسمة، تفاصيل زيارتها للطبيب النفسي في مرحلة بحياتها الشخصية، مؤكدة أن الطب النفسي بنفس درجة أهمية الطب البشري.
وقالت بسمة في لقائها مع القاهرة 24: أنا شايفة إن التعامل مع الطب النفسي في نفس أهمية التعامل مع الطب البشري، والنفسية لا تتجزأ من الإنسان، وعلشان نعيش حياة سعيدة لازم نبقى متوازنين، روحت في حياتي لطبيب نفسي ولكن مش علشان شخصية لعبتها ومأثرة عليا، ولكن علشاني أنا كبني آدمة.
وأضافت: الحمد لله في كل السنين اللي اشتغلتها مفيش شخصية أقدر أقول إنها أثرت عليا بشكل سلبي، وطالما بشكل إيجابي يبقى خبرة مكتسبة ليا.
بسمة: وافقت على مسار إجباري دون معرفة تفاصيله
كما كشفت الفنانة بسمة، تفاصيل مشاركتها في مسلسل مسار إجباري، الذي عرض في السباق الرمضان 2024، قائلة: وافقت أني أشتغل في مسلسل مسار إجباري، قبل ما أعرف أي تفاصيل عن المشروع لأني بحب الناس دي، بحب شغل المخرجة نادين خان، وصابرين وأحمد داش وعصام عمر، والأستاذ محمود البزاوي، اللي نورنا كضيف شرف وعمل شخصية عمر البرنس، أنا بحبه من زمان، وأنا كنت حابة أشتغل مع الناس دي، ولمفاجئتي السعيدة والسارة أني لاقيت دور برا الصندوق.
وأضافت: استوحيت تفاصيل شخصية نعناعة في مسار إجباري من والدة صاحبتي هي قريبة لـ قلبي أوي، وهي كانت أقرب حد في بالي وأنا بعمل الشخصية كلغة جسد ومشاعر بتطلع كتير ودمعة قريبة.
