اعترافات المتهمة يإنهاء حياة جنينها بالوراق: كان كل همي الطفل ما يعملش صوت.. وأنا ندمانة على اللي عملته

كشفت التحقيقات في قضية المتهمة بقتل ابنها بمنطقة الوراق، تفاصيل جديدة، حيث أدلت باعترافات تفصيلية أمام جهات التحقيق، كاشفة إقامتها علاقة غير شرعية مع أحد الأشخاص والذي حملت منه بطفل، وبعد مرور 9 شهور قامت المتهمة بإسقاط طفلها، وتخلصت منه عن طريق وضعه داخل كيس بلاستيك، وإلقاء الجثة داخل أحد صناديق القمامة.  

اعترافات قاتلة جنينها بالوراق

ويواصل القاهرة 24، نشر التحقيقات في القضية رقم 3062 إداري إمبابة لسنة 2023، المتهمة فيها سيدة بقتل طفلها بمنطقة الوراق، حيث استمعت جهات التحقيق لأقوال المتهمة كالآتي:-

بسؤالها عن سبب اختيارها لتلك الطريقة التي اتخذتها للتخلص من الطفل وهو وضعه داخل الإناء البلاستيكي المليء بالمياه وإلقائه بالطريق العام عقب التأكد من وفاته، قالت المتهمة: أنا لما ولدت مكنتش عارفة أعمل إيه وكنت خايفة لا حد من البيت يعرف فحطيته في الميه في الجردل لحد ما مات وحطيته بعدها في الكيس البلاستيك ورميته في الشارع، وأنا كنت ناوية أتخلص من الطفل من ساعة ما عرفت إن أنا حامل  عشان كنت خايفة أهلي يعرفو إن ريمون ده نام معايا، وإني حامل، وأول ما ولدت مكنتش عارفة أعمل إيه، وكنت خايفة الطفل يعيط وأهلي يسمعوا فرحت حطيته في الجردل اللي فيه ميه لحد ما يموت.

وأضافت المتهمة بقتل طفلها: وقتها محدش شافني وأنا برميه بالكيس في الشارع قدام سنترال الوراق، وبعدها خدت بعضي وروحت شغلي في فيصل، وخلصت شغل وروحت البيت، ومحدش من أهلي كان عارف حاجة، واتفاجئت امبارح الساعة 9 بالليل إن الشرطة جات عندي البيت ومسكوني وطلعو بيا على قسم إمبابة، وهناك سألوني انتي رميتي طفل في الشارع قلتلهم أيوة، واعترفت على كل حاجة، وساعتها هما خدوني في أوضة لوحدي وقالولي انتي رميتي طفل في الشارع قلهلم ايوة الكلام ده حصل امبارح يوم الثلاثاء 2023/4/25 حوالي الساعة 9:00 مساء بمسكني بالوراق، واللي ضبطوني كانو حوالي خمسة حكومة.

كنت معجبة بأبوه.. ننشر اعترافات المتهمة بقتل ابنها من الحمل سِفاحا بالوراق

أنا كنت بِكر لحد ما عشيقي نام معايا.. ننشر اعترافات المتهمة بحملها سفاحا بالوراق

واستكملت المتهمة بسؤالها أمام جهات التحقيق: ما هو سبب ضبطك؟ قالت عشان أنا رميت طفل في الشارع، لكن أنا مخدتش بالي إذا كانوا فتشوا البيت ولا لأ بس هما مفتشونيش، هما خدوني في أوضة لوحدي وقالولي انتي رميتي طفل في الشارع قلتهلم أيوة الكلام ده حصل، وأنا اللي موتّ الطفل ورميته في الشارع قدام سنترال الوراق، والسبب اللي دفعني وراء ارتكاب الجريمة دي عشان أنا كان كل همي إن الطفل ما يعملش صوت ويموت عشان محدش من أهلي يعرف الموضوع ده.

وبسؤال المتهمة ما قولك فيما هو منسوب إليكِ من أنك متهمة بقتل نجلك الطفل المجني عليه عمدًا مع سبق الإصرار بأن بيّتِ النية على إزهاق روحه عقب وضعه وعقدتِ العزم على قتله بأن وضعتِه داخل إناء بلاستيكي ممثلئ بالمياه وتركتِه بداخله إلى أن فارق الحياة، وعقب ذلك ألقيتِ جثمانه بالطريق العام للتخلص منه على النحو المبين بالتحقيقات، قالت:  أنا ندمانة على اللي عملته ده، وأنا كان كل همي إني خايفة حد من أهلى يعرف اللي حصل.