مايا دياب: إنجابي لبنتي أحسن مرحلة في حياتي.. وروحت لأكتر من دكتور نفسي عشان اتخطى مصاعب
قالت الفنانة مايا دياب، إن إنجابها لابنتها هو أفضل مرحلة في حياتها، وإنها ذهبت في وقت سابق لأكثر من طبيب نفسي حتى تتخطى مصاعب عديدة واجهتها بحياتها.
وأضافت مايا دياب خلال لقائها ببرنامج AB Talks: إنجابي لبنتي كان أسعد مرحلة في حياتي، وعديت بمراحل صعبة كتير وروحت لداكترة نفسيين كتير وساعدوني أتكلم كتير ومشاركة مشاعري ساعدتني والكلمات بتطبطب، ومش هقدر أنسى ولا أسامح، ومسامحة والدي ووالدتي برغم طفولتي، لأن هما كـ أطفال اتعاملوا بالطريقة دي فمقدرش ألومهم.
مايا دياب: ماعشتش طفولتي واشتغلت وأنا عندي 13 سنة.. والمرأة في لبنان مش واخدة حقها
وسبق وتحدثت مايا دياب عن حياتها الشخصية وعلاقتها بزوجها السابق، وقالت: لما كنت بتسأل طول الفترة اللي فاتت إنتي مطلقة ولا متجوزة؟ مكنتش بجاوب، كنت عايزة أحافظ على حب العيلة لبنتي، لأن باباها كان بييجي يشوفها وقت ما يحب، ومعنديش شروط خالص لده، ده أبوها وإنسان كنت بحبه ومازلت بحبهم، وبكره كلمة مطلقة، هي يا إما متزوجة يا إما single.
كما أشارت مايا دياب إلى إنها لم تعش طفولة سعيدة، حيث قالت: اشتغلت وأنا عندي 13 سنة وفي الوقت اللي كان المفروض أتبسط فيه كنت بشتغل وبروح المدرسة في وقت واحد، حياتي كلها شغل من طفولتي لـ دلوقتي، والشخص اللي بيشتغل من بدري بينسى يعني إيه طفولة، فبعوض طفولتي في بنتي.
