حرام واللي هيصعب الجواز بنته هتقعد جنبه.. جدل كبير على السوشيال ميديا بسبب القايمة
أثيرت حالة من الجدل الكبير على مواقع التواصل الاجتماعي في مصر بسبب قائمة المنقولات، فأطلق عدد من الشباب حملة لإلغاء القائمة، تواجه بمعارضة كبيرة من البنات.
القايمة تريند فيسبوك
تتصدر القايمة تريند السوشيال ميديا وليست المرة الأولى التي تتصدر فيها التريند، حيث إن القائمة دائمًا ما تشغل الرأي العام والشارع المصري، ما بين معارضين ومؤيدين لها.
وتعتبر مصر هي الدولة العربية الوحيدة التي بها القايمة؛ وهي بمثابة عقد أمانة تنص عليه قانون العقوبات، يكون على الزوج إلزام ردها في أي وقت يطالب بها، وتدون في قائمة المنقولات أثاث وأدوات منزلية قامت بشرائها الزوجة أو الزوج، في المقابل لا يدفع الرجل المهر.
وتأتي نقطة الجدال الدائم في الشارع المصري في معارضين يرون أن القائمة ما هي إلا عبء على الرجل، يضعه تحت تهديد قانوني دائم من الزوجة التي لها حق في رفع دعوة قضائية عليه لاسترداد أو التبديد والتي تكتظ بها محاكم الأسرة.
بينما الرأي الآخر الداعم يرى أنه هذا حق من حقوق المرأة حيث إن الرجل لا يدفع مهر، كما يتقاسم الرجل والمرأة في إعداد المنزل وتجهيزه بالأدوات المنزلية اللازمة، ولا يقوم الرجل بتكفل أعباء تجهيز المنزل بمفرده.
جدل بسبب القايمة على السوشيال ميديا
وتنتشر حالة من الجدل على مواقع التواصل الاجتماعي الآن بين النساء والرجال بسبب القايمة، فطالب الرجال بإلغائها فيما طالبت النساء في مقابل إلغائها تكفل الزوج بتجهيز المنزل بمفرده ودفع المهر.
وقال أحد مستخدمي فيسبوك: جيل الشباب اللي هيمضيلك انتي وبابا الحج على القايمة من غير ما يفكر ولا يبص ده انتهى، استغلال طيبة الشباب وحيلة لو شاري امضي انتهت، الوعي بقى موجود على أرض الواقع خلاص مفيش زباين تمضي، زي ما انتوا خايفين على بناتكم وخايفين على مستقبلهم، الشاب برضه عنده مستقبل يخاف عليه مش لاقيه في بنك الحظ، الجواز هيكون في قدرة الرجل من أساسيات المعيشة فقط، اللي عايز يتمنظر يجيب من جيبه محدش هيمضيلك عليه، الزواج تيسير واللي هيصعب الجواز بعد كده بنته هتقعد جنبه.
وأوضحت أخرى: يعني ميمشيش معاكم أن كل حاجة على الراجل ويدفع مهر كمان، وأن القايمة دي ملهاش أي تلاتين لازمة بس لما تنفذوا شرع ربنا.
وأضافت مستخدمة أخرى: جماعة أنتوا عارفين بديل القايمة إيه في الدول العربية والإسلامية؟:
العريس بيجهز بيته من الأول للآخر ويدفع مهر ويجيب شبكة ويكون في مستوى العروسة ولو العروسة قبلت بالأقل من حق وليها يفسخ العقد لعدم التكافؤ، في الدول الأجنبية تقسيم الثورة قانونيا بين الزوج والزوجة وكل اللي دخل بعد الجواز بيكون ليهم هما الاتنين وأي عقار باسمهم هم الاتنين وأي نجاح أو شغل ليهم هم الاتنين والورث.
