إلهام شاهين عن أحداث رفح: فرحتي ناقصة.. لو اللي بيدافع عن بلده إرهابي فأنا إرهابية
أعربت الفنانة إلهام شاهين، عن سعادتها بتكريمها من الجمعية المصرية لكتاب ونقاد السينما، في احتفالية عيدها الذهبي، مستنكرة أحداث مخيمات رفح.
وقالت إلهام شاهين على هامش تكريمها اليوم من الجمعية المصرية لكتاب ونقاد السينما: عمر الجمعية ومهرجان الإسكندرية 50 سنة، أنا معاهم بقالي 35 سنة، تقريبا كل عمري الفني، أنا عمري الفني 40 سنة.. مهرجان الإسكندرية دايما يرثي قواعد جديدة، وهو إن الدور مش بطوله ولكن بقيمته.. أنا خدت 5 سنين وراءبعض باخد أحسن ممثلة في مهرجان الإسكندرية.
وأضافت: كل الشكر ليهم وعايز أقول أنا مبسوطة إن ده بيقام على أرض أكاديمية الفنون اللي يعتز بها لأني خريجة هذه الأكاديمية، وبعتز بكل فنان أهتم ودرس، والفن بيعلمنا الإنسانية والخير والمحبة.
وبشأن حادث مخيمات رفح، تحدث إلهام شاهين قائلة: النهاردة المفروض أني مبسوطة أوي ولكن فرحتي ناقصة ومش عارفة أفرح، ومن امبارح منمتش لما شوفت الأخبار مصدقتش اللي بيحصل فيهم، قلبنا موجوع ومش معنى أننا بنحضر مهرجانات الحياة لازم تستمر ولكن جوانا ألم.
تصريحات إلهام شاهين بشأن غزة
وتابعت إلهام شاهين: ناس بيوتها تتهد ونسمع صراخ يعصر القلب عصر، شيء زاد عن حده، ورغم إن أغلب المجتمع الدولي مع فلسطين ودفاعهم عن أرضهم، وإسرائيل بتقول إنها بتحارب الإرهاب، اللي بيدافع عن بلده يكون إرهابي، أنا لو حد قرب من مصر هنزل علشان بلدي، لو اللى بيدافع عن بلده يكون إرهابي أنا بعلن إني هكون إرهابية.
