كهربا يكشف مفاجأة مدوية بشأن حديث شيكابالا مع إمام عاشور في نهائي الكأس
كشف محمود كهربا، لاعب النادي الأهلي، مفاجأة بشأن حديث شيكابالا قائد الزمالك مع إمام عاشور لاعب الأهلي في نهائي كأس مصر.
وكان شيكابالا تحدث في أحد البرامج التلفزيونية أن إمام عاشور طلب منه القميص الخاص به بعد مباراة نهائي كأس مصر الماضية، والتي أقيمت في السعودية.
تصريحات محمود كهربا
وقال محمود كهربا في تصريحات تلفزيونية: إمام عاشور قايلي إن أنا أوصل رسالة ليك من خلال برنامجك، وهي أحد اللاعيبة الكبار في السن اتكلم على إن إمام عاوز التيشيرت بتاعه، في نهائي كأس مصر اللي فات اللي اتلعب في السعودية.
وتابع: اللاعب ده قال لـ إمام عاشور أكتر من مرة خلال الماتش هترجع الزمالك آخر السنة، ولكبر سنه إمام مردش عليه ولما رد عليه في آخر مرة قاله أنا في حتة تانية ومينفعش أبقى في الأهلي وأفكر في حاجة تانية.
وأكمل كهربا: فيه حملة على إمام عاشور كبيرة الفترة دي زي ما كانوا عايزين يدمروني أنا.
وأضاف: جمهور الأهلي بيحب إمام عاشور وإمام بيقول لجمهور لزمالك أنا معنديش مشاكل معاكم خالص، ومفيش حد هيعرف يوقع إمام عاشور خالص.
واختتم تصريحاته قائلا: إمام عاشور محترم وغلبان جدا ومش شاغل باله بأي حاجة خالص، لكن فيه ضغط عليه هو أول مرة يحسه، فأنا بنقله الخبرات بتاعتي، وبحب الخير لأي حد قدامي حتى لو على حساب نفسي وبخاف من الشناوي جدًا، ومدلع إمام جدًا، وكابتن الفريق وشخصية كبيرة وبيساعد الفريق كله وهو أخويا أساسا.
