ميدو عادل: مسرحية مش روميو وجوليت تجربة مختلفة.. وشرف ليا مشاركتي مع علي الحجار
أعرب الفنان ميدو عادل عن سعادته بمسرحية مش روميو وجوليت حيث إنها تعد تجربة مختلفة من نوعها، موضحًا أن جميع الصناع خلال المسرحية سيقدمون بعض الأغاني خاصة الفنانة رانيا فريد شوقي.
وتحدث ميدو عادل خلال لقائه مع القاهرة 24 قائلًا: المسرحية والعرض مختلف جدًا، وأنا مستمتع جدا بيه مع المخرج عصام السيد، وبعتبره أب روحي وعلي الحجار مدرسة كبيرة وقيمة وقامة فنية عظيمة، وشيء مهم جدًا، وأيضًا مع الجميلة رانيا فريد شوقي.
ميدو عادل: رانيا فريد شوقي هتغني في مسرحية مش روميو وجوليت
وأضاف عن كواليس العمل: كل الناس هتغني في المسرحية ورانيا فريد شوقي هتغني والمخرج مصمم إن المسرحية تكون مختلفة، وتقدم شكل درامي واجتماعي متنوع، وكان يوجد اسم آخر لـ اسم مش روميو وجوليت ولكن تم استبداله بهذا الاسم وأنا شايف إن الاسم ده مجنون أكتر.
وفي وقت سابق، تحدث ميدو عادل عن بعض أمنياته قائلا: بحلم طول الوقت أكون بشتغل، وبتمنى أموت في يوم من الأيام على المسرح، والعمل عبادة وبتمنى لما ربنا يفتكرني وأنا بشتغل وأنا قادر أشتغل الشغلانة الحلوة اللي بتصرف على بيتي، وكلي شرف إني بشتغلها، ولما أقابل ربنا هقوله يا رب أكون كنت بني آدم صالح، بعمل اللي عليا وعرفت أعيش حياة كويسة وعرفت أشتغل شغلانتي بشرف وأحافظ على أهلي رقم واحد ثم أسرتي وأصحابي ثم مهنتي.
