شوهوا إيدي ومش دكاترة.. بلوجر تحذر من عيادة تجميل بالإسكندرية
تحدثت البلوجر مها البنا عن تجربة تعرضت لها في عيادة للتجميل بالإسكندرية، وذلك خلال خضوعها لجلسات ليزر لإزالة بعض الندبات.
بلوجر تحذر من عيادة تجميل بالإسكندرية
وأشارت البلوجر مها البنا إلى تفاصيل تجربتها مع إحدى عيادات التجميل قائلة: العيادة في البداية كانوا عاوزين يعملوا جلسات الليزر مقابل دعاية للعيادة، وجلسات الليزر في العيادة دي سببتلي حروق كبيرة، وبقالي سنتين بحاول أعالج آثار الحروق دي، وده حصل بسبب إهمال الدكاترة.
وتابعت مها البنا: وأنا بقالي سنتين بحاول أعالج الحروق، ومخدتش ولا حق ولا باطل من العيادة، وأنا مش أول حد اشتكي من العيادة، وفيه ناس كتير حصلها حروق بسبب الليزر العادي الخاص بالشعر، وفيه ناس بتجيلي السنتر عشان تتعالج من الحروق دي، وانا بالنسبالي حسبي الله ونعم الوكيل فيهم، أنا ملقتش أي نتيجة من جلسات الليزر بل بالعكس، الجلسات سببتلي حروق.
وأكملت: وعلى مدار عامين حاولت علاج الحروق بكافة السبل سواء بحقن الحروق، ولكن الحروق لم تختف، وده خلاني أحذر الناس من العيادات دي، وكمان اللي عملولي الليزر مش دكاترة، ودي من أسوأ العيادات اللي اتعاملت معاها.
