كندة علوش: أصبت بسرطان الثدي أنا ووالدتي في نفس الفترة.. و60% من شعري وقع بعد الكيماوي
كشفت الفنانة كندة علوش، عن أنها أصيبت بمرض سرطان الثدي، بنفس الوقت مع والدتها، وكانا يتلقيا العلاج وجلسات الكيماوي سويا، مؤكدة أنها كانت تعتبر جلسات علاج رفاهية وليس ابتلاء.
وقالت كندة علوش بحلقتها بـ بودكاست الإعلامية منى الشاذلي، المذاع عبر قناتها بموقع يوتيوب: والدتي أصيبت بنفس مرضي، سرطان الثدي، في نفس وقت إصابتي، ومكنتش قادرة أستوعب اللغبطة دي وقولت أكيد دي رسالة من ربنا وبعدين بقيت أروح أنا وماما ناخد الكيماوي مع بعض، والكلمة اللي كانت على لسانا هي الحمد لله.
وأردفت كندة علوش: شعري وقع بنسبة 60% بسبب الكيماوي واشتريت باروكة لكن ملبستهاش، والحمد لله وقع من كل راسي مش بقعة وكان باين إنه خفيف، ولكن ماما شعرها كله وقع وكان مضايقها.
واستكملت كندة علوش: مشوفتش المرض إنه ابتلاء خالص، وقررنا إننا مش هنقول خالص ولا هنعلن عشان مش عايزة أقلق الناس ولا أحبطهم، قررت أظهر بس وأنا قادرة أديهم أمل ومخاوفي كانت بشأن ولادي وخايفة إني مقدرش أعتني بيهم.
واختتمت كندة علوش حديثها: وأعلنت دلوقتي عشان يمكن الجزء المتبقي من الرحلة عايزة دعوات من الناس ووقوفهم جنبي، وجلسات المستشفى بالنسبالي كانت رفاهية لأني جاية من دوشة الأطفال، واعتبرتها فترة نقاهة.
تفاصيل إصابة كندة علوش بسرطان الثدي
وأعلنت كندة علوش من خلال البودكاست، تفاصيل إصابتها بسرطان الثدي، حيث قالت: بعد 9 أشهر من رضاعة ابني كريم، حسيت إني عندي مشكلة في إحدى الثديين ولما كشفت اكتشفت إني عندي أكتر من ورم خبيث، تلقيت الخبر بهدوء وسكينة ومانهارتش، وعمرو جوزي كان مرعوب أكتر مني، والنهاردة يبقى بقالي سنة وشهر بتعالج.
