والدتي حجت بتأشيرة زيارة من 24 عاما.. هل عليها إثم؟
أجاب الشيخ أحمد وسام، أمين الفتوى بدار الإفتاء المصرية، على سؤال متصلة حول: أنها كانت في الأراضي المقدسة بمكة وقامت بعمل تأشيرة وزيارة لوالدتها منذ 24 سنة، وأخذت تصريح وبعدها قامت بالحج، فما حكم الحج بدون تأشيرة الحج؟.
والدتي حجت بتأشيرة زيارة من 24 سنة هل عليها إثم؟.. أمين الفتوى يبين
وقال أمين الفتوى بدار الإفتاء المصرية، خلال تصريحات تليفزيونية، اليوم الاثنين: هذا الحج أبدا مفيش مشكلة، هو الحاصل إن الأنظمة كانت مختلفة، وكان زي ما هي تكرمت قالت كده بتطلع على الرياض ومن الرياض بيقدموا الجواز اللي جايين بيه من مصر لإدارة الجوازات أو الإدارة المختصة بمنح تصاريح الحج وبيطلع تصريح مختوم رسمي لرقم على الكمبيوتر وبيطلعوا بقى بيسموهم حجاج الداخل.
وأضاف: ما احنا عندنا حجاج الداخل وحجاج الخارج نعم فلما بيعملوا كده كانوا ده بنسميه تفويج حجاج الداخل، فإن شاء الله، مفيش مشكلة خالص ولا إثم ولا حاجه ذكرت حتى هو فعلا بعد 24 سنة نفضل عندنا تساؤلات فجميل إن احنا نطمأن يعني، لا إن شاء الله الحج صحيح وما علينا أي وزر وما علينا أي تبعه بإذن الله.
أمين الفتوى يوضح أوقات الكراهة بعد الفجر
فيما، أجاب الشيخ أحمد وسام، أمين الفتوى بدار الإفتاء المصرية، على سؤال متصلة حول: من استيقظ قبل الشروق بقليل.. هل يبدأ بالفجر أم السنة؟.
وقال أمين الفتوى بدار الإفتاء المصرية: أصلي ويا ريت إن أنا لو توضيت بسرعة وألحق تكبيرة الإحرام إن أنا أدركتها قبل ما يجي ميعاد الشروق يبقى أنا كده لحقت الصبح حاضر.
