أبرز تصريحات عمر كمال: كنت بمشي بـ40 ألف جنيه في جيبي.. وبيكا أكتر واحد في مصر كسب من المهرجانات
كشف الفنان عمر كمال العديد من أسرار حياته خلال لقائه مع الإعلامي إبراهيم فايق، مشيرًا إلى أن مغني المهرجانات حمو بيكا هو أكثر فنان في مصر حقق أرباحًا من أغاني المهرجانات.
أبرز تصريحات عمر كمال
ونستعرض لكم أبرز تصريحات عمر كمال في بودكاست مع إبراهيم فايق:
ـ حمو بيكا أكتر واحد في مصر عمل فلوس من المهرجانات.. بياخد ربح أغاني اليوتيوب لوحده.
ـ لما بنطلب من بيكا نقسم يقولنا أنت مش بتغني وبيطلع لايف.. خلاص عايز إيه تاني.
ـ حمو بيكا مبيعرفش يقرأ ويكتب، اللغة بتاعته هي اللايف، صحي من النوم مغسلش وشه يطلع لايف ويتكلم في أي مشكلة.
ـ حمو بيكا خد أغنية عصام صاصا وفضل يقولي يا عمر يا كمال يابو قُصة، وضحك الشعب كله عليا.
ـ فيه بنات كتير بتحاول تتقرب ليا.. وفي بنات ارتبط بيهم وسبتهم لأنهم كانوا استغلاليين.
ـ ارتبطت ببنت وكنت هتجوزها، عملت حادثة وخبطت عربية شخص، وكنت بمشي بـ 40 ألف جنيه في جيبي، ووقتها اديتهم للراجل وقلت له هصلح لك عربيتك على حسابي.
ـ أنا في العادي بمشي بـ ألفين جنيه والفيزا كاش، وبفك الفلوس خمسينات علشان البقشيش.
ـ لازم كل أسبوع أجيب لـ أحمد عدوية سمك البربوني الأحمر وأم الخلول من السويس.
ـ لما بدأت تبان عليا نعمة ربنا ناس اتضايقت مني.
ـ أمي منتقبة وأبويا شيخ.. أنا طالع من بيت ديني.
ـ محمد فؤاد قالي حبيبي أنا مبساعدش حد روح قدم في برامج للأصوات.
ـ زمان كنت بستلف البدلة اللي عليا وأجيب تاكسي بالأجل.
ـ أمي رفضت تطلع عمرة من فلوسي.. فكذبت عليها.
