بعد تصدره التريند.. أبرز تصريحات محمد فؤاد في حواره مع القاهرة 24
تصدر الفنان محمد فؤاد التريند في الساعات الأخيرة، بعد حواره مع القاهرة 24، الذي تحدث فيه عن موقفه من انقطاع التيار الكهربائي، هذا بجانب حديثه عن مواقفه تجاه ثورة 30 يونيو، إذ وجه الفنان عدة رسائل لـ منتقديه وكل من لامه على موقفه تجاه الثورة، وغيرها من الأمور التي تطرق إليها في الحوار.
ونستعرض لكم أبرز تصريحات محمد فؤاد مع القاهرة 24:
ـ مصر خرجت من نفق مظلم لا يعلم مداه إلا الله.
ـ أنا كنت في ضهر بلدي بشكل ممكن يكون ضرني في شغلي لكن ولا فارق معايا، تاريخ محمد فؤاد كله تحت رجليا قصاد بلدي.
ـ قطع الكهرباء مناخ جيد لكل كارهي الوطنية.
ـ قناة السويس لما اتعملت وكان إنجاز للبلد قالوا عليها ترعة.
ـ أنا شوفت الكهرباء بتقطع بالأسبوع في 67 وأهلنا محدش منهم كره البلد.
محمد فؤاد يثير جدلًا بتصريحاته عن قطع الكهرباء
ـ الكهرباء قطعت عندي فوق الـ 8 ساعات وبقول عادي جدًا ما نحمد ربنا إننا عايشين في أمان.
ـ مالقوش في الورد عيب قالوا يا أحمر الخدين.
ـ أهالينا مش أقل مننا درجة علشان يتحملوا إحنا في نعيم.
ـ أنا كنت مساند للثورة من أول لحظة.
ـ بسأل كل واحد لام محمد فؤاد على مواقفه قبل 30 يونيو لحد ما جه الفرج.. فهمت دلوقتي البلد كانت رايحة فين؟.
ـ المفروض نتعامل مع البلد من منطلق التعامل مع رب العالمين لأن ربنا رقيب علينا في كل شيء.
ـ أحلى كارت ربنا بعته للناس اسمه كارت الصبر.. وبشر الصابرين.
