نقلا عن حسام حبيب.. القاهرة 24 ينشر شهادة هنا ابنة شيرين عبد الوهاب في واقعة الضرب والتعدي
كشف المطرب حسام حبيب طليق الفنانة شيرين عبد الوهاب، ما قالته هنا ابنة الفنانة، في واقعة الضرب والتعدي الأخيرة، وذلك بعد تصدر الأزمة محركات البحث وعناوين الصحف والمواقع المصرية والعربية.
شهادة ابنة شيرين عبد الوهاب
وأوضح حسام حبيب في رسالة صوتية عبر القاهرة 24: هنا بنت شيرين قالت إن حسام معمليش حاجة ولا لماما، قالت اللي عمله أنه شالني من تحت أيديها، وقالت إن ماما هي اللي عورت نفسها عشان تنزل تعمل اللي هي عملته ده، حاجة عمرها ما جت في بالي.
وأضاف حسام حبيب: شيرين قالتلي زمان لما باباها كان بيتخانق مع حد بيعور نفسه ويروح يعمل محضر في القسم، وكنت مفكرها بتهزر، دي مش حاجة وراثة بس دا سلوك، ودا سلوك غلط، وأنا عاشرت شيرين كتير.
حسام حبيب: متوقعتش من شيرين عبد الوهاب كده
وأعرب حسام حبيب في تصريحات سابقة للقاهرة 24، عن استياءه الشديد من تصرف شيرين عبد الوهاب، حسب وصفه أن الفنانة تسببت في جرح نفسها، ثم توجهت للجهات المعنية.
وقال حسام حبيب: مكنتش أتخيل أبدًا أن خناقة أنا مش طرف فيها، خناقة بينها وبين بنتها، إنها تقول كده، وأنا هطلب شهادة بنتها وهي عاملت في بنتها حاجة لما الناس هتعرفها شيرين هتنتهي عند الناس.
واختتم: لأن اللي يهون عليه ضناه يهون عليه أي حد في الدنيا، ولما شوفت المنظر ده كان لازم آجي وأشيل هنا من تحتها، ولازم أتصرف.
