شقيقة فتاة التجمع: سائق أوبر وهو داخل الكمبوند قال أنا دليفري| فيديو
أعربت سالي عوض وشقيقتها نبيلة عوض المعروفة إعلاميًا بـ فتاة التجمع، ضحية سائق أوبر عن فرحتها، بعد سماع الحكم على سائق أوبر المتهم بهتك عرض شقيقتها بالسجن المشدد 15 عاما.
شقيقة نبيلة عوض فتاة التجمع
وقالت شقيقة نبيلة عوض فتاة التجمع، إن الغرض من نشرها تفاصيل الواقعة عبر حسابها على انستجرام، من أجل الوصول إلى أحد عملاء أوبر، بعد علمها بمحاولة سائق أوبر خطف شقيقتها وهتك عرضها، مضيفة: نشرت التفاصيل عشان أختي اتخطفت وكنت عايزة حد شغال في أوبر يتواصل معايا عشان ألحق أختي، وأنا مكنتش أعرف إن الموضوع هيكبر كده.
وأضافت شقيقة نبيلة عوض فتاة التجمع: عرفت إن الرحلة اتلغت عن طريق إني اتفاجئت بأوبر آخر جالنا البيت، وبعدين جالي اتصال من تلفونها بعد ما رنيت عليها أكثر من مرة إن ناس لقوا أختي في الصحراء، فـ أنا نشرت البوست عشان استنجد بالناس إنهم يساعدوني أوصل لأختي، بعدين هو مين يحب يركب التريند في حاجة زي دي خطف وهتك عرض.
وعلقت شقيقة نبيلة عوض فتاة التجمع، على مرافعة محامي المتهم قائلة: إحنا مش عارفين نقعد من الكلام الظالم اللي المحامي بيقولوا إننا عايزين نبقي تريند، وهي اتخانقت معاه وشدت التليفون، وبعدين أنا لما اتكلمت معاه في الأول على الفلوس، قالي هاخدها كاش، فأنا قولتله لا أنا هدفع فيزا فـ من البداية كان في خناقة على الموضوع ده، بعدين تاني حاجة الراجل ده لما جه أخد أختي وهو داخل الكمبوند، الأمن سأله داخل فين قالوا دليفري ومقالش أنا أوبر والكلام ده الأمن قالي عليه.
